ابي كل شاعر يدخل وينتقد
 

بسم الله الرحمن الرحيم

اول مشاركه لي

واتمنى من كل شاعر في المنتدى ان ينتقد من وزن وقافيه وكل شي مانزلتها الى ابي الانتقاد

الصبر مني يامنى الروح مازال
متمسك(ن) بهموم قلبٍ طعيني

اخاف يتفجر ويفضح في الحال
والكل يعرف داخلي ياضنيني

لاميلت شمس الغروب شفت الاهوال
اقف اطالعها وتسمع ونيني

صدري انا ضاق وعذابي ترى طال
واحزان ليلي دايمٍ(ن) تكتسني

سبعة سنين عشتها ارج الامال
ارجي من الله بالأمل يكتسني

منسى كلامه قاللي كل من قال
ساكت علامك ماتكلم حزيني

لاتكشف اسراري على كل الاجيال
وتصير سبة موتي يانور عيني

عهدٍ عليه يامنى كل رجال
مكشف خفايه لوكل قاسي يليني

هذي حكاية قصتي نظم موال
جريت صوتٍ يالله انك تعيني


وسلامتكم
تعلقاتكم لوسمحتم والانتقاد واين الخطاء والصح




اخوكم هاوي قصيد

المشاهده كثير بس محد رد علي ولا مافيه شعار ؟

القصيده نص ونص الوزن


اما من ناحيه المعنى ماشالله عليك


وماشالله عليك كلامك يدل على موهبه حقيقيه ياليت تصقلها بكثره القرايه


ون شالله المشاركه الجايه تكون احس من ناحيه الوزن


معا ان اغلب ابياتك موزونه بس كم واحد يبيله شيل حرف او تحط حرف

تحيه

دخلها ورشة محمد بن خالد
عطاك التكلفة والطريقة
خذ عدته وإشتغلها بيدك
ولا هنت على المحاولة00

أولاً أهنيك على موهبتك الجميله والأكثر من رائعه
كلماتك قويه وبسيطه ومعانيها عميقه
يدل على إن إحساسك عذب وفكرك سامي وراح يكون لك مستقبل زاهر وكبير إنشاالله


أما من حيث الوزن :

اخاف يتفجر ويفضح في الحال
ــــــــــــــــــ

لاميلت شمس الغروب شفت الاهوال

ـــــــــــــــــــ

سبعة سنين عشتها ارج الامال

خل سنين (( سنينٍ ))
ــــــــــــــــــــ

مكشف خفايه لوكل قاسي يليني

ـــــــــــــــــــــ

ترى كلها يبغالها شي بسيط جداً بس يبيلها شيل حرف وحط حرف بس رووووووووووووووعه

بعطيك نماذج لأغاني على نفس البحر خل الألحان حقتها وأحذف كلماتها الأصليه وركب عليها كلماتك
وإنت راح تعرف الخلل بالضبط وين

طبعاً لما تغنيها وما تتغنا معك بسلاسه راح يثقل لسانك أو راح تعك عند الكسر

تفضل بعض النماذج خذ الحانها :

أغنية راشد الماجد :

أشغلتني من بعد ماكنت خالي
علمت عيني الدمع وقلبي ونينه


وأيضاً أغنية :
عفناك ياللي بعت نفسك رخيصه
عفناك يوم إنك تسالمت للبيع


وأغنية رابح صقر:
يعني أنت تظلمني وانا ماتكلم
وأنا إذا أخطيت صارت جريمه


وأغنية محمد عبده:
ياليل خبرني عن أمر المعاناه
هي من صميم الذات ولاّ اجنبيه


وأغنية عبادي:
محدٍ بنصف الليل سلــّم على الشمس
إلاّ أنا ساعت نظـــرتك بعينــي

وأغنية عبدالكريم عبدالقادر:
ياثقلها كلمة دقايق واجيلك
يامرّها كلمة خلاص انتظرني


وأغنية عبدالمجيد عبدالله :
غايب حبيبي ماوصلني سلامه
مدري غيابه عذر أو شي مقصود


وأغنية عبدالله الرويشد:
شفتك ولا حطيت عيني بعينك
خايف عيونك لا تنادي عيوني


وأغنية نبيل شعيل:
قولو لها قلبي من العام مجروح
قولو لها لو كل الأسرار باحت


وأغنية راشد الفارس :
الحين يعني صرت ذكرى قديمه
الحين حتى شوفتي ماتبيها


وأغنية خالد عبدالرحمن:
ودي تشوف الهم وشلون سوى
في حال من حبك على غير مصلوح


وأغنية فتى رحيمه:
ماقلت لك لا طول الوقت أبنساك
واليوم شفني في غيابك نسيتك


وأغنية سعد الفهد:
جيت اشتكي لك من عنا الوقت ابرتاح
لقيت نفسي اشتكي من همومك


وأغنية مزعل فرحان:
ليت الجروح اقصاص وآخذ بثاري
لجرحك جرحٍ مايداويه دكتور


وأغنية نواف منيف:
خلاص مابيني وبينك صداقه
أنهيتها مادمت في حق أخطيت


وأغنية عبدالله السالم:
حل الفراق وقــّرب البعد يازين
حل الوداع وسامحي ياحياتي


وأغنية بشير شنان :
قالولي طيب قلت ماني بطيب
أطيب وجرحي بين الأضلاع ماطاب


وأغنية فهد بن سعيد:
طاوعت فيني كل عاذل ولوّام
وش دخـّـل العذال بينك وبيني

بيض الله وجيهكم يالنشاما


بعدي والله خبري في عيال النشاما


ماقصرتم اخجلتموني بطيبكم

اخي مشكور على مجهودك الرائع واترك الامر لأهله في الشعر النبطي اخوك انسان اكثر

وش انتقد هاالروووووووووووووووووووعة والقمة في الاداء

مشكووووووووووووووووور

القصيدة اخ هاوي ما فيها كلام ، صحيح هناك بعض الملاحظات ولكن لاتفسد روعتها .
قد يكون ذكرها الاخ الواله مثل : اخاف يتفجر ويفضح في الحال فلو قلت على سبيل المثال : اخاف يتفجر بي ويفضح الحال لكان افضل نوعا ما .
ايضا قولك : سبعة سنين ـــ انا ماعمري سمعتها نتطق بهذا الشكل فنطقها السليم اما يكون سبع سنين او سبعة اعوام ولكن سبعة سنين احس انها غريبة شوي . لا اتكلم عن نطقها في البيت ولكن اتكلم عن نطقها العام .
هناك بعض الكسور ولكن مثل ما قالو الاخوان مجرد زيادة حرف او نقصان حرف .
القصيدة عموما رائعة اهنيك عليها واشكرك على شجاعتك وعرضها للنقد فهذا يدل على ذوقك الرفيع .
ارجوا ان تتقبل نقدي برحابة صدر والعذر على الاطالة .