منتديات روعة الكون - :.:.الا ياليت ترجع ايام الوانيت والحلاوة.:.:

ثلاث ساعات ما سكة الكتاب واناظر
اقرى سطر وتطيح مني سطور
اسرح واسبح في خيالي
اعيش الماضي والحاضر
افكر في حياتي وفي ماضيي وحاضري
افكر كيف كنت وشلون صرت
ماااضي حلو .. وحاضر اسود
كنت صغيرة وما افكر غير "بالبقالة"
وشلون بروح البقالة واشتري الحلاوة
ومين بشتريله معايا
اركض واتسابق مع العيال مين يفتح الباب للزوار
وافتح واسلم على كل من طق الباب
وكل ماشفت بالشارع شايب بديته بالسلام
ولاجت الساعة تسع بالليل .. يبدى السهر
واجتمع انا والعيال بسيارة جدي الوانيت
نجلس بالصندوق والسهرة طق وتصفيق
وياشيخ تعال شوف الرقص
الضحكة ماتفارقني واذا بكيت..بكيت عشان اخذ حلاوة
ولا عشان "فصيل طقني"
براءة طفولة .. وطفولة حلوة
أما حاضري.. هم في هم..
ابو نسى بناته وتزوج وعاش حياته ..واهم شي بحياته زوجته الثانية
ونسى من وقف معه بحياته..نسى أم العيال .. والعيال معاها
يدخل البيت ويصرخ ويهز كل ارجاءه..
بيت لادخلته حسيت بالجحيم في كل اركانه
الهدوء لو عم في البيت قامت القيامة
والحين وش تفكيري!!
للأسف نسيت ذيك الحلاوة..
افكر ليه انا كذا؟!
وليه صار حالي كذا؟!
ليه حبيت وانتهى حبي بغمضة عين؟!
ليه كل من تقدم يخطبني وقف ابوي في وجهي
كل هذا حب فيني ..الظاهر مايقدر يفارقني
كانت حياتي حلوة .. وصارت عذاب في عذاب
آه .. الا ياليت ترجع ايام البقالة ..
واركب الوانيت وارقص واضحك وارمي همومي ورايا
وليت اروح اشتري ذيك الحلاوة..
ابي ذيك الحلاوة اللي كان مافي منها غير وحدة "ومساعد" أخذها
وجلست ابكي عشان ذيك الحلاوة
الا ياليت ترجع ايام الوانيت والحلاوة

بقلم:دلـ"قلبـــك"ــوعة