منتديات روعة الكون - اهداء لكل سعودية فديتكم

هلا وغلا

قصيدة طويـــلة.. بس روعــــــــــــــة...!

حـنّـا بـنـات الـوطـن وشـمـوع ديـجــوره
وحناّ بنـات الوطـن وأحلـى سعوديـه
منابـت المجـد وأصـل المجـد والـصـوره
مـرابــط الـعــز وسـبــوق الـنـداويــه
منابـت الملـح وأصــل الــورد وزهــوره
مكـاسـر الـعـود والنـفـحـه سـمـاويـه
عذبات الانفاس وأغلى المسك وعطوره
نفحـات الاشجـان والنسـمـه ربيعـيـه
فـوح الخزامـى بـروض ٍ قيـل ممـطـوره
قـدِ علّهـا مـع بكـور الوسـم وسميـه
حـنّـا بـنـات الـوطــن سـكـنـاه وخـــدوره
حـنّـا بـنـات الـوطـن والثـقـل مـاريّـه
يـالـلــي تـعـذربـنــا يـمــنــاك مـكــســوره
مـاكـن فيـنـا لــك أم وبـنــت وأخـيــه
أفـكــارك الـســود مشـبـوهـه ومـبـتـوره
وعلـومـك الـعـوج ملفـوفـه وملـويـه
تــلــف وإلا تــزيــد الــلـــف لـــــك دوره
العـلـم بالـهـون والحـاجـات مقضـيـه
خـذهـا عـلـى نــور والـرايـات منـشـوره
بالـعـدل والمـيـز مكـتـوبـه ومـقـريـه
خـذهـا وبـاقـي بـهــا وقـفــات مـذخــوره
تجيـك مـن فـوق وإن حبـيّـت رديــه
بنـت الوطـن ياضعيـف الــرأي مـذكـوره
بالخـيـر والطـيـب مـذكـوره سنـافـيـه
مــن أول الـوقـت يالمسكـيـن مـشـهـوره
بالفكـر وأحلـى التواصيـف النسائيـه
بنـت الوطـن ياقصيـر الشـوف معـمـوره
بالـعـطـف والـلـيـن وتـزيــده بحـنـيـه
إن كـان بالـكـون قـالـوا عيـنـه وحــوره
بنت الوطن من عظيم الشان حوريه
بنت الوطن مـن جمـال الخلـق مستـوره
الطـبـع هــادي ووقــت الـجـد جـديّـه
ممـكـن تـقـوّم بـوجــه المـعـتـدي ثـــوره
والأصــل تكويـنـهـا ثـابــت حـيـاويـه
شيهـانـة اللـحـظ بـنـت الـريــح مـنـثـوره
ملمومة الخصـر بنـت الذيـب ريميـه
يـعـنــي حـجـازيــة العـيـنـيـن مـخـبــوره
نجـديـة الخـصـر واللمـحـه خليـجـيـه
ريحـانـة الـفـل بـــأرض الـفــل مـبــذوره
يعني عسير وعبيـر أحلـى عسيريـه
وقــــاّدة الــحــس بــالاشــواق دكــتــوره
يضيـق صـدر الزمـن تبقـى شمالـيـه
تكتـب حــروف الـوفـا وتـسّـن دسـتـوره
بحروفها إخلاص وإن حبّت هواويه
يعنـي هـي الـجـو مــع بـيـداك وبـحـوره
مـن رأسهـا للـقـدم بالـزيـن مكسـيـه
سمـعـت يالـلـي حسبـتـه لـعـبـة الـكــوره
بعـض السواليـف لا سقتـه عمـاويـه
لا ضيّـع الـدرب مثلـك وأخلـف شـعـوره
نـدلّــه الــــدرب والاعــمــال بـالـنـيـه
يـاخــاوي الـفـكـر والــعــدلات مـقـبــوره
في صدرك اللي لبس بلـواه صدريـه
مغـرور مـغـرور مثـلـك نــاس مـغـروره
بمـركـب النـقـص والاوهــام مبـلـيـه
مـنـادمـيـن الـخـطــا مـلــفــاه وطــيـــوره
الـفـكـر خـيــاّل والـسـاحــه خـيـالـيـه
مــن الحمـاقـه لبـسـك الكـبـر وشـــروره
والحمق رمح الردى وحـدود هنديـه
تسـكـن زوايــاك والـطـرقـات مـهـجـوره
ياغراب خل الحمـام إنسـى خطاويـه
لـو تـفـرد الـريـش يالـطـاووس مـأثـوره
عـواقـب الـكـبـر يالـمـغـرور سلـبـيـه
يـاسـيّـد الغـطـرسـه يـاقـاصــر شــبــوره
ياعاشق الذات عشـق الـذات نفسيـه
سمـعـت رد الاصيـلـه وإفـهــم سـطــوره
بـسـيـط مـنـسـاب والاوزان شعـبـيـه
وإسلك طريـق الهدايـه وإحفـظ السـوره
السـوره اللـي علـى المعنـى ومكـيـه
وإن كان نفسك علـى الشينـات مجبـوره
والـنــار يـامـيّـت الـنـيـران مـطـفـيـه
أجـيـك أنـــا بـنــت هـالـديـره ومـأجــوره
وتشوف بنت الوطن والجمره الحيه
أجيـك وتشـوف بـنـت السـبـع مسـعـوره
وأخـرك معـروف والدعـوى طبيعيـه
الـوقـت مـعــروف فـــي زنـــات دبـــوره
يخـرّب العـش وهـو الـعـش راعـيّـه
ماهـي بشرَبـه مــن الـغـوري وشـابـوره
بعض الحكاوي وفيـه حـدود محميـه
خـذهــا ولا أقـــول لا رديّـــت مـشـكـوره
مـن واجبـي لا دفعـت الشـر والسيّـه
بــأول خـطـوط الـدفـاع وراس طـابــوره
أصــــد وأرد والــصـــدّه هـجـومـيــه
خذهـا وأنـا بنـت قـوم المجـد وحضـوره
منـي وأنـا مـن بـنـات الــدار نجـديـه
من نجـد ماجيـت أنـا المغـرب وناطـوره
وماجيت حد اليمن ما كنـت مصريـه
خذها وأنا ماعرف الحمراء ولا شتـوره
ولا جيـت عمـاّن وإلا كـنـت شامـيـه
ولا نيـب مــن بـابـل النهـريـن وآشــوره
وإلا بعـد مـن بنـات الشـرق شرقـيـه
خذها وأنـا مـن عظيـم الشـان منصـوره
من نجد ماقول أنـا شقـراء وغربيـه
خذهـا ونفسـي علـى المسـفـار مـأمـوره
والنفـس معـروف مأمـوره ومنهـيـه
ماقلتهـا مـن غـضـب بالـوقـت مقـهـوره
على الملا وإن بغيـت السلـم سلميـه

منقوول..

انتظر الردود