قصيدة غلطـــــة عمـــــــــر
 

بسم الله الرحمن الرحيم




[[ غلطة عمر ]]



ساقت مشاوير الشقاء وأردف الليل ________ وسريت..ودروب السهر سرمديه

أزريت أسوق الهم...وأحط...وأشيل ________ وتعبت أكابر..والمواجع نديه

الحيل مل من التعب.. ما بقى حيل ________ والجفن.. ماله بالسهر مقدريه

البهذله.....والمهزله..... والغرابيل ________ أبطال... وسنين العمر.مسرحيه

والهم..والحرمان..والحزن..والويل ________ ضيوف.. وجروح الوفاء..شاذليه

والصمت..والهوجاس.. بوح التعاليل _______ والخوف مسرى.. والليالي مطيه

يالله عسى درب السنع بالمقابيل _______ والا..الليال اللي مضت جرهديه

حر....كفخ..واستأسرته المحابيل ________ وعقب السماء الرحبه هوى للوطيه

حر....غدر فيه الزمن والمداخيل ________ مقرود .. وكفوف العطايا رديه

غلطة عمر..منها جنيت البهاذيل ________ وذنوب غيري حطها الله عليه

غلطه.. ودحدرها القدر بالمحاصيل______ ورضيت بالمقسوم غصب عليه

تناقلتها شلة القال .. والقيل ________ وحطوا عليها لين صارت قضيه

وقامت تناهشني رخوم الرجاجيل_______أهل الملامه.. والعلوم الرديه

اللي تجيك أخبارهم بالتفاصيل _______ ويحرفون الهرج عن سوء نيه

بالله قل لي ياأسودالوجه يالليل______ وضح النوايا..كيف صارت خطيه؟

قل لي..من اللي ضلل الحق تضليل_____ ومن علم الوافي يخون بخويه؟

ومن بروز الأوهام.خدعه وتمثيل ______ ومن طلسم الواقع؟وخان الوصيه

من قال لي..دربك مهود وتساهيل_____ ومن علم الضحكات تمشي عليه؟!

من كفن دموع الوفاء بالمناديل؟______ومن هوجزاء الحسنه بمليون سيه

اللي قتل حلم الضلوع المناحيل ______ وقال انقتل..فيك العوض والبقيه!!

جاوب سؤالي يااسود الوجه يالليل____ وضح النوايا.. كيف صارت خطيه؟!



وســلآمتكم...

صح لسان شعرها
وتسلم اناملك ع القصيدة الاجمل من رائعة

صحت ابدانكم جميعا وشكرا على المرور الرائع والله يوفقكم