رسمت الحزن فـي بسمـة غـلا تنهـش كيـان إنسـان
 

قصيده اعجبتني وحبيت انقلها لكم


اتمنى ان تنال على اعجباكم


على مهلك يادنيـا الـذل ترانـي مـن نسـل شجعـان
ــــــــ علـى مهلـك عـلـى روحــي.. أمـانـه لاتعنّيـهـا

علـى مهلـك تـرى بوحـي يزلـزل قسـوة الأزمـان
ــــــ علـى مهلـك تـرى حزنـي تعلـق فــي ثوانيـهـا

رسمت الحزن فـي بسمـة غـلا تنهـش كيـان إنسـان
ــــــ نجـت مـن أصعـب الأمـواج وماتـت فـي موانيهـا

أنـا اللـي فـي بحـور الوقـت تشبـث بنهـر بركـان
ـــــــــ غريـقٍ بـيـن نـهـر ومــا وسكـراتـه يعانيـهـا

وأنـا مـن يتمّـوه النـاس وهـو فـي قمـة الأحـزان
ــــــــ أخـذ مـن جرحـه الدامـي ويدفـن فــي محانيـهـا

نهـض مـن كبـوة حصانـه بـلا فزعـه ولا أعـوان
ــــــــ ذكــرى والــده تـكـفـي يهـدّمـهـا ويبنـيـهـا

أنا جمر وسكـر خمـر ونـدم عمـر ونـدى أغصـان
ـــــــــ وأنـا الطفـل الــذي يلـعـن قواصيـهـا ودانيـهـا

شقـاوه مـع دمـوع وهـم, وسطـوه مثلمـا الفرسـان
ـــــــــ غـرايـب ياغريـبـة جــرح وأمـانـه ياأمانيـهـا

رسمـت مـن الهجـر لوحـه بـلا روح وبـلا ألـوان
ـــــــــ وكسـرت مـن الألــم عـطـر وتبينـلـي معانيـهـا

أنا نزف وصـدى عـزف وأنـا إنـس بخيـال الجـان
ــــــــ وأنـا نظـرة عـتـب بـانـت لهالدنـيـا ومبانيـهـا

أنا صـورة دمـار وحـرب ماتعـرف حقـوق إنسـان
ـــــــــ وأنـا حــزن الـوفـاة وونــةٍ جــرت سوانيـهـا

أنا أعذب قصيدة حـب ترفـرف فـي سمـا الأوطـان
ـــــــ حـروف مبعثـره تطـرب بهـا إمـلـوك وغوانيـهـا

أنـا اللـي نزلـت إدموعـه علـى رجفـة رعـد وآذان
ــــــــ وأنـا اللـي ينظـم آهاتـه علـى إلـحـون ويغنّيـهـا

أنا مـن ينثـر أوجاعـه علـى خيمـه, علـى كثبـان
ـــــــــ عـلـى سدو,وسـعـن بــدو وركـايـب مانثنّيـهـا

وأنـا اللـي سافـر برحلـه كراسيهـا سحـب وأمـزان
ـــــــــ ووجهتـهـا عـلـى زمــزم نطهـربـه أوانـيـهـا

أنـا فـي ماضـي الأزمـان فرحـه تنعـش الوجـدان
ـــــــــ ولاكــنّ الـزمـن ظـالـم وأفـراحــي نهبنـيـهـا

أنا الحزن الغريـب اللـي زرع مـن ضحكتـه بستـان
ـــــــ وأنـا الدمـع الغزيـر اللـي ديــار الظـلـم يفنيـهـا

أنـا نبضـة ألـم وأحـزان, أنـا قصـه بـلا عنـوان
ــــــــ أنــا إنـســان يـادنـيـا حـيـاتـه مايدانـيـهـا

الشاعر / خالد الماجد

اخي لا ادري لماذا كل هذا الحزن في داخلك

لكن القصيدة رائعه

هالشي موب غريب على العتبان

وصح لسانك اخوي

كلمات رائعة
يسلموووووووووووووووووو

شبل عتيبه يسلمووووووووووووو ابن عمو ع القصيده
تحياااتي لك
ونتظر المزيد

مشكور يالغلا




والقصيده لي ونشرتها في اكثر من وسيلة اعلام من اهمها


مجلة صدوف


ونخبة المختلف قبل مده



ونشرت في اكثر من موقع


وسرقت في اكثر من موقع ايضاا



لاهنت واعجابك بها شرف لي



اخوك


خالد الماجد

ونعم والله ماهي بعيده


صح لسانك والله



ماتداولت بين النت الى انها لشاعر مبدع



مروركم على العين والراس



دمتم بود

يسلم راسك




وكلك ذوق


وشرف هذا لي عساني مانحرم منك



دمت بود

الله لايهينك اخوي



تسلم والله يالغالي

جدا كلمات رااائعة كروعة احساسك