منتديات روعة الكون - :::حروف القصـايد:::

ما كل من يكتب حروف القصيد

يقدر يناقش بالقايد مواضيع

الشعر مشعل والمشاعر فرايد

وأجمل بنات الفكر تاتي مفاريع

تاتي على حسب الطلب بالفوايد

أمر عليها لين تاتي مطاويع

تاتي بشفي دون نقص وزايد

وبفضل ربي لاتعدى ولا أضيع

أامشي على المنهج وأعرف العوايد

ولي في أسلوم أهل المراجل مشاريع

ولا كل من راح القنص جاك صياد

ولا كل من يشري مع العالم يبيع

ولا كل من سمي وسيع البنايد

بيقى على طول الزمن به منافيع

ولا كل حكم بياتي محايد

واكبر دليل اللي حصل فالمجاميع

ولا كل بنت حصان تزها القلايد

ولا كل من سموه مطواع بيطيع

والكفو ما يمكن يمد الزهايد

لو كان يشرب مروقته قراطيع

والكفو ما تمنعك منه البعايد

وقت اللوازم فيك ما يلحقه ريع