|
،/ هل تؤيد [الغزل] من أجل الكسب ؟..
السلام عليكم ورحمة الله وبركاته
في الأسواق و المراكز التجارية .. و بالتحديد محلات الأقمشة الراقية و الأحذية - أكرمكم الله ومحلات الماركات .......... وغيره من المحلات التي تتاجر بالمستلزمات النسائية بشكل عام .. نجد بائعين يحملون جنسيات عربية [.. سوري ، لبناني ، فلسطيني ,, الخ ..] تتردد على ألسنتهم عبارات مثل : كرمان هالعيون من عيوني على راسي من فوق عيونكِ الحلوه ولا تحملي هم يا قمر الورد طول عمره ورد يؤبرني أبو عيون عسليه قد تـُصدق بعض الفتيات تلك العبارات ! جاهلةً أهداف البائع من هذا التصرف .! الذي لا يهدف إلى استمالة قلبها بعذب العبارات حتى تقبل عليه وتشتري مرات عديدة !! بل انه تسويق رخيص !!! ومع ذلك انا اعتبر إنّه غزل صريح و واضح ... ! وكل فتاة ترتاد الأسواق لا بُد وأن تصادف أحدهم ..! الآن ... لكم المساحة لإبداء رأيكم .. ونصائحكم لـ كل من يواجا موقف كهذا .!! ====================== |
والله وانا اخوك مو بس البنات اللي يندهن سيرهن بعد الرجاجيل ينقص عليهم
لكن انا من ادخل محل اشوف فيه ها النوع من الاشكال اشل عمري ولا اجلس اتسمع لكلامهم يلصق فيك ولا يفكك اللين تشتري من عنده لكن مرات غصب عني ادخل المحل لانه ماتلاقي اللي تبي الا عندهم والله المهنده مافي احسن منهم بدال ماهو يقص عليك انت تقص عليه ^_^ وفي الاخير التجارة شطارة والشاطر اللي يمشي سوقه يعطيك الف عافية اخوي عاجبها بانتظار جديدك دمت رائع ؛؛؛ |
بالنسبة لي أنا ...
لما أدخل أي محل أكره ماعندي اني أكلم البياع <<< بس مرات أضطر اني أكلمه وأسأل يعني أخلي أمي هي اللي تسأل عني والا خواتي اذا كانوا معاي واذا شفت واحد شكله يقول انه عنده هالحركات أصده من البداية وأروح أدور على اللي أبيه يعني أدخل المحل وأدور حاجتي اذا لقيتها شلتها واخذتها واذا مالقيتها أطلع بدون قرقر زيادة ... ومشكوور ع الطرح خيوو عاجبها ... تحياتي ... |
ابي اشوف اراء اكثر
ومشكورين عانقت والغاوية على طرح ارائكم |
موضوع حلو وحساس واتوقع اي بنت تقدر تفرض احترامها علي كل الموجودين بالمكان يعني لو البنت ماعطت مجال للبايع وغيره ماكان اتجراء وتعداء عليها بكلمه وحده وامي الله يحفظها لي دائما تردد مثل شعبي يقول (اللي مايفرش ثوبه ماحد يجلس عليه ) نسال الله السلامه احترامي |
بصراحة بصراااحة...انااا ما عندي مشكلة في هالشيء ...
لان التجارة شطارة .... .واللي يبي البيزااات لازم..ما يكون بس لسانة عسل ...الا قشطة ..وسمن وجبن..>> شو يخص السمن ما ادري خخخخخخخخخخخ المهم... التجار لازم يكووون مبتسم ...وكلامة عسل ..والا كيف بالله بيجذب الزباين ..هااااااااااااااااا خذوووا مثلا: تاااجر ..ينافخ ..ورافع جواجبة ....وواصلات لعنقة من ورااا...ومعصب ..ومتنرفز ...انااا عن نفسي ..لا ابي اشوفة هوو ولا بضاعتة ... امااا لو كان التاجر ..مبتسم ..وكلامة يشجع حد يشتري ...والله اشتري الاشياء اللي ابيهن والا ما ابيهن ..خخخخخ امااا كلام الغزل ...فمااا اظن ..انهم يقصدون بها الغزل ...يقصدون بهااا تشجيع الزبائن ..على الشراااء ...بس لا اكثر ولا اقل... هذااا رائي ...واختلاف الاراء لااا يفسد في الود قضية تحياتي لكم ريماني |
والله انا اشوف ان كلام عانقت
مطابق لكلامي تماما وسلامتكم |
في البداية أحييك أخي الكريم عاجبها على هذا الموضوع الجميل وفتح باب النقاش بة 000 بسم الله 000 من رأيي أنة في التسويق والمبيعات هنالك مؤثرات كثيرة لشراء الزبون للبضاعة بغض النظر عن جودة المنتج المعروض ومنها المظهر العام للشخص وهذا ما نلاحظة في كثير من المحلات الكبيرة لبيع الملابس والاسلوب المقنع والجميل ولا ضير من بعض كلمات المديح او الثناء فهذا أمر طبيعي فهذه هي وظيفة البائع 000 ولكن أن تعدا الامر الا غزل بشكل مبالغ فيه فهذا عائدة على سيكلوجية البائع وتقبل الزبونـ(ـه) له وخرج الامر من اطار بائع ومشتري الا وقاحة 000 هذا رأيي بكل بساطة وفي انتظار مناقشتكم وسماع وجهات نظر البقية 000 لكم مني كل الاحترام والتقدير 000 أخوكم جرح قديم :)
|
| الساعة الآن 11:00. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون