تعودت الجروح اللي بقلبي
وليلي مايواسي لي جروحي

مع صبري بعد رحمات ربي
اداويها مع وقت السروحي

اضم الريح اذا من شرق هبي
لأنه يحمل انفاسك يا روحي

وكم ليل ٍ اعوف اكلي وشربي
اذا كان الزمن يمّك شحوحي

ليال ٍ سود عشناها وذهبي
وداد الحب باسمانا يبوحي

وكنتِ ناري وجمرك يشبّي
وكنت ِ انت ِ القلب النصوحي

وكنت ِ مهرتي وميدان حبي
وانا الخيال ولكني جموحي

بغيتك لي تلبّي لي وألبّي
بغيتك تلمسي اعماق روحي

ولكنّك بغيتي بُعد قربي
رميتي حبنا وذيك المزوحي

اذا ركبك ما يمشي صوب ركبي
ترا علمك ما يستوعب شروحي

انا مالوم هالدنيا يا حبي
طموحك كان اصغر من طموحي

انا لي مطلب وارجو تلبّي
تناسي الود ولو ودك ينوحي

ترا الله راقبك والله حسبي
يسمّحني سموحك يا سموحي