|
سوالف مالها معنى !! بس أتأثر
مرحبا
هذي اول مشاركه لي في هذا القسم وارجو ان الخاطره تعجبكم 7 7 ترجيتك تساعدني .. تقويني على نفسي .. ضعفت وقلت لي مقدر !! ضعفت وقلتلك ... أرجع ؟؟؟ قويت وقلتلي .. يعين الله .. قويت وقلتلك .. بيعين الله .. أنا ليلي تعب ودموع ... من بعدك يسليني ؟ من بعدك يحاكيني ؟ من بعدك إذا تأخرت عن وقتي يعاتبني !! وبالضحكه يشتتني .. وبـ ( همن ) و ( أنااااام ) يلملمني .. يمين الله أنا مقدر !! على فرقاك لا مقدر !! يمر اليوم علي أصعب ..! حيل أصعب .....! ألــهـّــي نفسي بالجوال .. وأحس القلب يتعصـّـر .. وأحس الدمع يحرقني ..! وعلى خدي يجرّحني .. يمين الله أنا مقدر .. ترى بالحيل ما أقدر .. تتذكر سوالفنا !!! حكاوينا وليالينا !! تتذكر؟؟؟؟ تتذكر تجي أمي .. وأصك بوجهك الصفحه .. أقول اصبر تروح أمي .. ترى من جد بتسطر !! تتذكر علم أخــضــر ؟؟ وخـط أخــضــر ؟؟ وسؤالك عنه يتكرر .... أكيد الحين تتذكر !! سوالفنا عشان ما تنام .. وتروح المعهد مبكر .. تتركني وتستودع .. وأنا والله أتحسر .. تتذكر على هالصبح .. حكي فيصل .. ضحك فيصل .. سوالف مالها معنى !! بس أتأثر .. وربي أتأثر !! تتذكر يحاكيني بصوته المبحوح .. ويصرخ فيك يا ( مـدنــون ) !! هات المايك بتكلم ..! هم يزعل !! ويتركني لجل يلحق .. على آخر فلم كرتون .. تتذكر ضحك فيصل ؟؟ يوم تقوم وتضحكه ... أنا حنيت يا فيصل .. من ذاك اليوم لهاللحظه !! تتذكر[ ( أنـا أحــبـــه ) ؟؟ وحب فيصل لهالمطعم ؟؟ تتذكر ليلة الرحله .. يوم يبغاه وتجيبه ... تتذكرلقب نـاصـر ؟؟ وتوأم روحك مـحـمـد ؟؟ وسهر هالليل .. والشاليه .. والملحق ..! وبرقر كنق ..! وكل يوم العشاء منه .. برقر كنق أنا أحبه .. وبتعشاه هالليله ... وبطلب نفس هالوجبه !! تتذكرتنافسنا .. على القرآن من يختم ..! وللمسجد من يسبق ..! تتذكر تجيني تقول : ختمت اليوم جزء أول .. ومن بكره جزء ثاني .. ومن بعده جزء ثالث .. ويطير من الفرح قلبي ... أحس بانجاز في عمري ...! أنا أترجاك لحد الحين .. ولحد بكره ... وبعد سنين ... ( الشيشه ) لا تلمسها شفاتك .. حرام تدمر أعضائك ..! حرام الهوا النجس .. يقرب فمك الطاهر ...! ويتغلغل وسط صدرك ... إذا لي غلا عندك ؟؟ لا تقرب الشيشه .. لجل ربك .. ولجل نفسك .. ولجل قلبك .. ولجل وحده تترجااااااك ...! ( اترك الشيشه ) تتذكر أجيك رجه .. وأحوس الجو وأخليه صجه .. لأني كنت مبسوطه .. موب ذنبي مبسوطه !! أبي فرحي يجي لمك .. أبي ضحكي يهبل بك .. ولو ودي .. أنسيك همك .. لأني كنت مبسوطه .. تتذكرليلة التوديع ؟؟ كانت دموعنا تحكي .. ألم وخوف .. حزن وآهااات .. وكانت تنشد الونات .. وكان الدمع سيد الموقف !! واليد بالحيل ترجف .. أترجاك تقول فمان الله .. وانت ترفض !! تقول بحزن : نسيتي من هو يودع ؟؟ أنا أول راعي التوديع .. وتصرخين .. من يطلع هو يودع !! هماك بتطلعين الحين ؟؟؟ أجل قولي فمان الله !!!! أنا مقدر .. أنا مقدر ..!! أكيد الحين تتذكر !! كل شي تتذكر .. لأن قلبك الطيب .. مستحيل يتنكر ..! أقسم لك لحد الحين .. أتقلب على المرقد .. أحلم فيك تالي الليل !! وأقوم الصبح أتكدر .. لي يومين ع الفرقى .. وربي كنها هاللحظه !! ما داومت اليوم .. لأني أعجز أركز !! لما أتذكرك أبكي ..! ولما أتخيلك أبكي ..! ولما تطري في بالي سوالفنا .. أقوم أشهق ..!! أحس بتكه فـ صدري ! أخذ نفس أكبر ... وأصير أشهق ..!!! فراقك حيل عذبني .. تدري الحين وين أقعد ؟؟ على نفس هالمرقد .. وأتعبر ..! انا مقدر على النسيان .. أنا قلبي طواه الهم والحرمان ..! يمين الله أنا مقدر .. ترى بالحيل ما أقدر ..!!! ................ تقبلوا تحياتي **الشفيه** |
":" الشقيـــــه ":"
السلام عليكم ورحمة الله وبركاته تحية معطرة بالورد أهديها إليكِ كم أسعدنا أنضمامكِ لهذا الصرح الشامخ فوجود أمثالكِ مكسب لقسم الابداعات الادبية والتحليق في افياء ربى البوح والعذب فمليون هلا ومليار مرحبا نورتي ربى العذب وشهد الكلام بإطلالتكِ ياغاليتي شرف كبير لنا أن يصافحنا مبدعة مثلكِ لتشاركنا الرحلة وتعطرنا بعبيره حرفها وتسعدنا بتغريدها وتفتننا بما ينساب من قلمها فاهلا وسهلا بكِ في دوحة العذب مغردة ومحلقة وأتنمى أن يطيب لكِ المقام بيننا وان تتميزي بيننا وتشعي كالنجمه في سماء التألق والابداع جميل ماتدفق من بين أناملكِ من حبر مشع وتغريد آسر وعزف مبهر نطقت من خلاله الحروف وتوهجت معه كل الكلمات نسجتيه بتمكن حلقتي به عاليا حوى على مشاعر صادقة مميزة أبهرني ذلك النص المتألق وما أنساب منه من حبر وما شع منه بريق اذهلنا حيث الشمس صافية والقمر لايظهر الاّ مشتملا ببردة قد خاطها الأمل أشكركِ على اتحافنا بهذا النص دعواتي لكِ بالتوفيق والنجاح تقبلي أرق تحيه مقرونة بالورد لشخصكِ الجميل أخوكِ رومنسي محتااار |
بسم الله الرحمن الرحيم
السلام عليكم ورحمة الله وبركاته شكرا جزيلا لك كلمات رائعه جدا ومميزة يعطيك الف عافيه في إنتظار جديدك |
وعليكم السلام والرحمه
اخي رومنسي محتار .. كم اسعدني ترحيبك بي وتشجيعك لا كن احب ان اوضح لك ان الخاطره منقوله وليست من كتاباتي ولكن احاول ان اطرح بعض من كتاباتي لاحقا..مع اني غير مقتنعه بها.. .................................... الملاك الحزين شاكره لك مرورك وان شاء الله ماراح تشوفون مني الا كل خير ................. تقبلوا تحياتي **الشقيه** |
**الشقيـة** كلمات معبـرة وحلوة .. والأحلى وجودك بيننا ^^ اعذب التحايا لك |
اسعدني مرورك اخي سلامات
لاهنت |
| الساعة الآن 03:31. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون