أشواق الــغلا
 

السلاام عليكم ورحمة الله وبركاته
أول مشاركه لي وحبيت أمسى كل أوقاتكم بخير
وما أحب أطول ..
وأتمنى أن تحوز على رضاكم




طاريك واحداث الغرام ومزايـاك=وفرايد الشعر الجميـل وسنعهـا
معي واحددها علي جـال ذكـراك=واقضم غضبها واتهجى ورعهـا
لو كان صدك يفلج بنـود لقيـاك=دورتلك كلمـة وقلـت استمعهـا
لكن ؟ صداتك وهجرك وجفـواك=ماهيب لك بس العناد اصطنعهـا
بعدين يامترف هل الحسن ويـاك=لا انته بشاريها ولا قلـت بعهـا
محبتك .. جيره وحيره ولـولاك=ما اغض عيني والمدامع وجعهـا
اساير الايام .. من بـاب الادراك=مـن لاتعلـم سيرتـه مانفعهـا
تعال من طيشك ترى القلب ملفاك=وأقلط علي مشاعري وانتزعهـا
تعال سولف عن مقيلك لمسـراك=تراك في بال الخواطـر ومعهـا
محتـاج اغنـي وتأمـل محيـاك=واختار لحروف الغلا وابتدعهـا
وعلمك وش صار لى يوم فرقاك=ضرايب الفرقـا خفوقـي دفعهـا
ميت من اشواق الغلا واتحـراك=سنه ونفسي موتها مـن ولعهـا
شفني مابين ادناك واراجع اقصاك=اجمع شرايد فكرتـي واقتطعهـا
اقول في نفسي ليا حـل طريـاك=ان كان ماطاعتك الايـام طعهـا
انساك ؟ قلي كيف بالله ابنسـاك=وصلك دواء نفسي وبعدك فجعها
ويلاه ياقربك وشوفـك ولا مـاك ،،قدام لا روحي تخالف سنعها

لشاعر : سعد براك

وتقبلوا كل أحترام وتقدير