منتديات روعة الكون - عملات انسانية

عملات انسانية

------------------------------

عملات إنسانيه :

العملة الأولى :

من الآداب التي تراعى مع الوالدين .
الفرح بأوامرهما وترك التضجر والتأفف منهما.
أم خالد تنادي ولدها خالد وهو طالع ...
يمه خالد وقف شوي ابغاك ...
خالد : ...خير ...!!!!
أم خالد : الله يعافيك حطني عند خالتك نوره ما دامك طالع ...
خالد : يوووووه يوم شفتيني طالع تقولين لي ودني كان قلتي لي قبل أنا مواعد واحد ابمره بعد شوي ما اقدر اوديك اليوم دبري عمرك ..
ويطلع ويصك الباب ...
أم خالد : الله يهديك يا وليدي . ...

الوجه الاخر ...

محمد يمر على غرفة أمه ..!!
طق ..طق ...طق... محمد يطق الباب
محمد : يمه وينك ..؟؟
ام محمد : سم وأنا أمك أنا في الغرفة ...
محمد : السلام عليكم يا وجه الخير :
ام محمد : وعليكم السلام هلا والله وغلا ..
محمد يمه تبين شي انا رايح للتمرين ويمكن أتأخر الى بعد المغرب ...
أم محمد : والله ودي تمر بي على مرت خالك ودي اشوفها والده ...
محمد ابشري يالله تبين هالحين ولا بعد المغرب ...؟؟؟؟
أم محمد : يالله انا طالعه معك هالحين بس شوي اغير هدومي ...
محمد : على راحتك : انا احتريك في السيارة متى ما خلصتي اطلعي ...
ام محمد : الله يوفقك يا وليدي ...

عملة أخرى :

من اكبر الاسباب لانشراح الصدر وطمأنينته الإكثار من ذكر الله :
غادة طفشانه دقت عليها عبير ...
غادة :هلا عبير وش أخبارك ..؟؟
عبير : هلوين ..تمام وأنت ..؟؟؟
غادة : طفشاااااااااااااانه مرة ما ادري وش اسوي ..؟؟؟
عبير : طفشانه وانتي عندك التلفزيون ...شغليه على قناة ..... رووووووووعة فيها واحد اسمه ...... مع ....... يهبلون تفرجي عليهم يوسعون الصدر . بعدين اتصلي على الرقم اللي عارضينه وصوتي لأي واحد منهم يعجبك صدقيني بيروح عنك الطفش ..يالله انا رايحه اتفرج عليها اليوم التصويت ما ادري من بيطلعون ...
غادة : صدق مشكووووووووره يا عمري انا رايحه اشوف ....بااااااااي ..
عبير : باااااااااي

الوجه الاخر :

نداء تكلم صديقتها هاجر
نداء : أمس والله ضايق صدري ما ادري وش فيني طول الليل وانا افكر ما جاني النوم وطفشانه ...
هاجر : كان أخذتي المصحف وقعدتي تقرين شوي أنتي ما سمعتي قول الله تعالى (ألا بذكر الله تطمئن القلوب ) سبحان الله كان تحسين بفرق كبير ..
نداء : تصدقين عاد ودي بس تعرفين ما اقدر عندي عذر ما اقرا في القرآن ..
هاجر : طيب أخذتي لك كتاب عن السيرة النبوية والله يا سيرة الرسول أنها رااااائعة سبحان الله تقرئينها كم مره ما تملين منها ....وبعد ... يزيد حبك وتعلقك بالرسول في كل مرة تقرئينها وتتمنين انك كنتي معه ..
نداء : صدقتي والله يا هاجر ان شاء الله اليوم أقرء في السيرة الله يجزاك خير يا هاجر وسعتي صدري بكلامك ..

عملة اخيرة ...

اللهم لا تجعل الدنيا اكبرهمنا ولا مبلغ علمنا ولا الى النار مصيرنا ...
اللهم وحنن قلوبنا على والدينا وحنن قلوبهم علينا وأعنا على برهم والاحسان اليهم يارب العرش العظيم ....

امييييييييييييين

منقوووووووول