ياصاحبي ويش حال الحب وامـوره=
ان كنـت متغيـر إفلانيـب متغيـر =
باقي بعهد الغلا وشعـوره اشعـوره=
فلا قلت سير علينـا ياهـوى سيـر =
لكني خابـرك مزيونـه ومغـروره=
ويش العمل فيك يا ملعونـة الخيـر؟ =
اهدم قصور الغلا واجـدد اقصـوره=
يالنير اللي معـي ماهـوب بالنيـر =
على محيط الهوى والصوت والصوره=
متحيرٍ فيـك يالـي طبعـك إيحيـر =
اشتاق لك يالوليف اللي زهـا نـوره=
ياصغيرٍ لو كبر في عينـي اصغيـر =
يابلسم الجـرح وعلاجـه ودكتـوره=
مانيـب متجاهـلٍ حبـك ومتخيـر =
انت الغلا وانت شط الحب وبحـوره=
يامدير القلـب ديـر خافقـي ديـر؟ =
ماينعش القلب إلا حـس ابـو نـوره=
لا قال ( سير علينا ياهـوى سيـر ) =