من المحبه .. لا نويتي تحبيـن
تهذبيـن .. القلـب وتعلميـنـه

أن الوفا يا قلب يبقى له سنيـن
حتى الغلا ياخـذ كلينـا رهينـه

وأن الدمع لاجاك همال من عين
يعني دخيـل الحـب لا تعذبينـه

وأن الصدق يا بنت نور لـقلبين
نشوف به معني الحياة الثمينـه

وأن الغلا مقسوم والناس غالين
شوفي اختلافه في وجه غاليينـه

وأن الجفا عوق الهوى والمحبين
يبان عوقه بين ( جفنه وعينه )

وأن الوصل .. بحر ٍ يلم الملايين
تجمع محبين السهـر ضفتينـه

وأن الهجر اقسى من الهم والدين
يتعب به المديون ما اوفى بدينـه

يا اللي كتبتي للمحبـه عناويـن
أنا فدا خـدك.. ( وغمازتينـه )