ما كتبت الشعر لجلك 00لكن فاض بي بركان 00
 

كتبـت الشعـر مـو لجلـك ولكـن فـاض بـي بـركـان
وامـا انتـي فـلا تسويـن قصيـده فـي نـظـر عيـنـي
حلفتـي لــي تصونيـنـي إذا صــار الـزمـن خــوان
وأول مــا عـثـر حـظـي عـلــى دربـــك خذلتـيـنـي
كسر رمح الزمن صـدري وجيتـك اشتكـي حيـران
نزعتي الرمح من صـدري وفـي ظهـري طعنتينـي
خسـااااره كييـف حبيتـك؟؟! نعـم والله انـا نـدمـان
غـبـي أدري نـعـم ادري مــا دام انـــك سكنتـيـنـي
سـنـه مــن عـمـري وانــا فـــي لعـبـتـك غـرقــان
أشيـل الشـوك مـن دربـك وجرحـي كــان يدميـنـي
وكنـت أبكـي إذا تبكـي وأكــون لبسمـتـك فـرحـان
وكنـت اقـرب مـن رموشـك لعيـنـك يــوم تبغيـنـي
عرفتـك للآسـف صحـراء وحولـتـك إلــى بسـتـان
وشلتيني غصـن أخضـر وفـي صخـرك زرعتينـي
حفرتـك داخلـي وظنـي تصونـي عشـرتـي أزمــان
وكنـت أحفـر قبـر موتـي علـى سـاحـل شراييـنـي
علـى كـف الشقـا نامـت جروحـي والألـم سـهـران
يحطمنـي .. يبعثرنـي .. وفــي صـحـراك يرميـنـي
ولـكـن عـزتـي تـفـرض أكــون بدنيـتـي سـلـطـان
وإن ظنـك أجــي أركــع لرجـلـك... مــا عرفتيـنـي
انـا مـا عادتـي اشحـذ مـن أمثالـك رضـا وإحسـان
امــــوت بـعـزتــي ارحــــم ولا ذلــــك يـغـطـيـنـي
ومـا دام الـوفـا عـنـدك يــدور لــه عـلـى عـنـوان
بـدور لــي عـلـى قـلـب يـصـون الـحـب وسنيـنـي
ولــو قلـبـي رجــع حَـبـك بـولــع فـيــه بالـنـيـران
وبكـسـرهـا أنـــا رجـلــي إذا صــوبــك تـوديـنــي
ولـو دار الزمـن ضـدك وجيـتـي تطلـبـي الغـفـران
وجبتـي الشـمـس فــي كـفـك لعنـدي..مـا بتلقيـنـي
تقول النـاس فـي وصفك:جميلـه مثـل عـود البـان
وإنـك أجمـل وأحـلـى بـشـر مخـلـوق مــن طيـنـي
وإنــك غالـيـة وأثـمـن مــن اليـاقـوت والمـرجـان
تـقـوم أكــوان مــن أجـلـك وتقـعـد لــك بـلاديـنـي
حسافـه غـرهـم شكـلـك ويــا مــا تـخـدع الألــوان
عموماً .. بقت كلمة أخيرة لك على قلبي وسمعيني
إذا كنتـي بنظـر غيـري مـلاك علـى هيئـة إنـسـان
قسـم بالله مـا تسويـن شعـره مــن رمــش عيـنـي



هذا الشعر طبعا ماأدري من كتبة
بس أعجبني مرررة وحبيت أحطة لكم 00

اتمنى يعجبكم00

صح لسان كاتبها
وناقلتها

لاهنتي يالغلا