منتديات روعة الكون - تكفون صونو كلمة الشعر تكفون

قصيده قد يتضايق منها البعض ولكن لاتزعل اهل الشعر والي يفهمونه ...


	الشعر تعريفه بدون ايت جدال 0000 كلام له معنى مقفى وموزون ولو قالو ابقول عن كل الاقوال 0000 هذا الصحيح وقولو الي تقولون ماهو كلام ٍ كيف ماقيل ينقال 0000 وشلون مدري كيف ياكيف وشلون لاقافيه لاوزن لانعت لاحال 0000 لا وصف لاتشبيه لاشكل لالون يعني سوالف بس من غير منوال 0000 سولف وأسولف واكثر الناس يوحون حتى لونك جبتها مالها جال 0000 اهم شي تكون رزه ومزيون وفي يدك ساعه تعطي اللوان واشكال 0000 مطليت ٍ بلماس ماهو زراكوون وفي اصبعك خاتم فضه وفصه جلال 0000 مغير يلمع كل ماقلت هاللون وشماغ لولا حبكته قلت طربال 0000 ولا والله الطربال مع شكله يهون وعقال من شافه حلف ماهو عقال 0000 يقول هذا عقال ولا دركسون وثوب ٍ مفصل ماهو ايات تفصال 0000 لو تلبسه عذرى غدى القلب مفتون مهوب ثوب الدفه بمية ريال 0000 خامة قماشه بلف واللفين عربون وان كنت فاضي في يوم ماعندك اشغال 0000 عليك بستديو زماني او فنون وطقلك صوره كايفه مالها مثال 0000 ويفضل ان ايدك على خدك تكون وحاول تعرف لك على شخص محتال 0000 اعلامي ومشهور ماهوب مدفون بأمكانه يخليك في ايام وليال 0000 مشهور مثل النابغه وابن زيدون وحاول قبل كل شي تغريه بالمال 0000 ليننه بكبره يصير الك مرهون وأشياء كثيره غير هذي على البال 0000 ياناس ياعالم هو انتم تشوفون موروثنا الشعبي غدى نصه خبال 0000 بيدين متشدق وساذج ومجنوون ومن عقب ماكانت توارثه الاجيال 0000 اصبح مجرد شي زايد ومركون ومن عقب ماكان يتنفس ويختال 0000 صار اكسجينه ثاني اكسيد كربون تعرضوه صوير وعوير والفال 0000 للي على نهج الثنينه يسيرون صوير جنب عوير وعوير دجال 0000 وعوير جنب صوير وصوير ملسون عوير لامن قال يلال يلاال 0000 صوير يصرخ ياخي ابداع وجنون يامال فرقا العين يامال يامال 0000 جنوون يمكن .. لكن ابداع تبطون وليا سمع بيت ٍ من بيوت الابطال 0000 وفلنفرض انه من بيوت ابن لعبون عقد حجاجه وانقلب جده هبال 0000 وراحت علومه كلها دون في دون وقال الحقيقه كل عصر ٍ له رجال 0000 وحنا في عصر التلفزه والتليفون لكن ويش الفرق يالمرشد الضال 0000 لكل عصر رجال والشعر مصيون مهوب عرضه للمهبل والانذال 0000 الي ليا بانت نجومه يغيبون نجومه الي يستحقون الاجلال 0000 امثال بندر والزلامي وابن عون وابن سند والاكلبي وابن هذال 0000 وبدر الحويفي والعسيلي يعدون هذا مثال وباقي امثال وامثال 0000 الاسماء من ذهب واصحابها مايهونون والشعر مهما صار باقي ولا زال 0000 وشعارنا في كل وادي يهيمون ياكثرهم كثراه لاجت للازوال 0000 وان جات للشعر الحقيقي يقلووون مليون لكن لو تجيب لك منخال 0000 وتنخلهم بمنخال ماهم بمليون وأنا مأبري نفسي بكل الاحوال 0000 اخاف في المنخل مع الي يروحون لكن والله ماني قصير حبال 0000 ولاني من الي فالقوايل يضيعون والشعر احبه حب مافيه مدخال 0000 وماني وصي الشعر لكن مغبووون من ناسٍ تحاول تحيل وتحتال 0000 ناس ٍ بحذف السين والالف والنووون عمالقه واحدهم ان قال ماطال 0000 فطاحله وان جيت للحق مالووون تحت مسمى الشعر يبنون الامال 0000 وأمالهم يعلهم مايفيدون صوره على غلاف المجله بمدهال 0000 ولا حوار مطولٍ فالتلفزيون وأعمالهم والله من شين الاعمال 0000 هرج ٍ يجيبونه وهرج يودون فلان قال وقال وفلان رجال 0000 وفلان ماهو رجل وفلان دندوون أقووول ناولني من الكيف فنجال 0000 معاد صدري يحتمل كثرة غبون يقول ابن جدلان في عرض ماقال 0000 تكفون صونو كلمة الشعر تكفون وانا بقول اليوم عن كل الاقوال 0000 هذا الصحيح وقولو الي تقولون وسلامتكم .... اتمنى تعجبكم وسامحوني على القصور