منتديات روعة الكون - مغامرات في طريق الملك عبدالله

واحد اثنين واحد اثنين:showoff:

هوف هوف هوف هوف..:showoff:
8
8
هذا انا أسوي رياضة القفز من فوق النخل في طريق الملك عبدالله,, وطاقه الشالكي وخط البلده ..

( لا تقولون وش الشالكي اسألوا أهلكم... )

وبينما أنا أمشي وأطامر وساعة أتعكر وأدبج على جبهتي.. إذ أحسست بالجوع الساحق.. ( مشكله اللي يتابعون النمر المقنع وربعه ) فانطلقت إلى محل ( بوشار ) كان بجانبي واقف..( أي وقفت جنبه )

وناديته.. سلمان.. حسام.. أرين << الحمدلله

- نعم

- واحد كاتشب ولاتكثر الشطه..!!

- طيب.. وهو يناظرني بنظرات قريبه<< مريبه في نفسي قلت وش السالفه!!!!!

أثاري الأثول شك في عقليتي الفتاكه...<< أمحق

قلت : سويلم اخلص لأمصطك..

ويعطيني كاس مليان كاتشب وعليه كم نقطة شطه جعله الفقر...!!

وانا اللي أكمل رياضتي وأغط اصبعي في الكاتشب والحس منه...

واعزم كل اللي أمر عليهم بس ماش كلهم ما كانوا مشتهين..!!

قلت أحسن يوفرون...وبينما كنت أمشي وأقطع الورد بس لحد يعلم...!!

وأخبيه في جيبي أزعجتني الشغاله تبي هديه من وين أجيب لها أقطع نفسي..!!

واجهت أجمل رجل في الرياض.. بل في نجد.. بل في المملكه.. بل في العالم.. بل في الفيفا.. بل لا يكثر..!!

وأطيّر عيوني..وأسبلها وما عاد أدري وش أسوي... اختبّيت يعني اختبّيت... فين أروح..؟ مش عارفه..! وقامت كلمات القريحه تنقز مِر في تسبدي.. قلت له وانا امد له أصبع مغطوط بالكاتشب...

لك مديت اصابعي.... وهي مغطوطة بالكاتشب..

خلك معي خلك معي... والا اقول طاش ما طاش خخخخخخخخخخخخخخخخخخخ

الزبده.. طلع الرجال الله يفشل العدو لوحه معلقة على الطريق مسوين دعاية كمال أجسام

حسبي الله عليهم... جرحوني وحطموا قليبي المسكين ...:ANSmile05<< يامال السكين..

ورجعت أكمل المطامر لقيت وياللمفاجأة بنت جيراننا تمشي في نفس الطريق...

وفرحنا ومعطنا الشوش من الوناسة..

بعد هنا <<< هني

فرشنا بساط بعرض الرصيف وحطينا رواق <<< وييييييييين صلبوخ...!!!

واستلم صحون كراث وخس وليمون وملح وشطه وكاتشب يمي يمي...

صرنا كالــ.... والا بلاش احنا احسن منهم...

جا وقت الجد..وبديت أفتح صفحة الأحزان لجارتنا..

قلت نفسي أعرف ليه ليه ليه...!! :ANSmile05

قالت.. وشو.. صرمه!! << كناية عن انعدام الصبر

قلت.. ليه إذا مشيت لحالي في الشارع أمشي كأني ماخذه ميدالية الاحتراف فيه,, وإذا كان فيه ناس ما أمشي خطوتين الا أتعكر كني مذيعة تستهبل في الكاميرا الخفيه!!!!

قالت.. منظووووله أكيد منظوله روحي لشيخ يقرا عليس.....!!

قلت ان شاءالله حسبي الله على اللي نظلني..

( وحده تثبت ووحده تشوت )

وفجأة.. سمعنا أصوات صياح وبواري وزعاق ناس معصبين.. قمنا نشوف وش السالفه..!!

لقينا الشارع مسدود برواقنا.. جارتنا الحولا بتحط الرواق بعرض الممر حطته بعرض الشارع...!!

قمنا وضفينا عفشنا أخذنا نتلاحق ونقبص بعض << نمزح عادي

وبعدها لعبنا لعبة تهبل..

كل وحده توقف على طرف الشارع والثانيه تدفها على السيارات اللي ما تنصدم هي الفايزه..

فزت أنا بكل تأكيد..

وجارتنا نامت في العناية المركزة...

( ياربيييييييييييه متى تطلع عشان نعيدها استانست)

مايحتاج أقول.. اني رجعت هذيك الليله بجلد أزرق من كثر التقبيص..

وضمير متأنب عشان الرواق...

وقلب مستانس عشان ترقيد جارتنا في المستشفى..

شكراً لحسن متابعتكم....إلى اللقاااااااء