منتديات روعة الكون - نصيحه لا احد يسررررررع ( اسأل مجرب ولا تسأل عسكري )

نصيحه لا احد يسررررررع ( اسأل مجرب ولا تسأل عسكري )
هلا والله بالمصرقعين والمصرقعات والمقلعين والمقلعات

ياجماعه انا طول عمري انسان مقرود حتى بالشسمه هذاك مقرود
الزبده بقولكم قصه حدثت لي قبل عده ايام ولكنها عدت بسلام <<< ابوك يالفصحى
خلاااااااص اصصصص خلووني اكمل السالفه :eh_s(14): صدق مصرقعين وماتنعطون سالفه

بس رجاء لا حد يتشمت فيني تراني حسااااااس << :hah1:

في فجر يوم الاحد اللي زل ( زل = راح ) كنت قاعد على النت ومستانس ومبسوط ولا عندي من الشيطان قطعه .. الزبده ماخذيت شوي الا وجوالي يرن << يعلمكم ان عنده جوال

الا هذا ابوي على التلفون .. يكلمني وهو معصب .. ليش مشغل التلفوون الله يشغل مخك .. وانا اللي ارتبشت وضيعت اسم امي... وقلتله خير يبا شفيك ؟؟ وش صاير؟؟

قالي باتسر ( يعني بكره بالعربي ):tongue: تروح يم ( يم يعني يم ) الحلال وتوديه لعمك في الصمان ( الصمان = زي واشنطن بالزبط بس مافيها ملاهي )

قلت ابشر يبا ولا يصير خاطرك الا طيب بس لا تقعد تنافخ علي مانيب اصغر عيالك :eh_s(14): قالي انثبر والا بطب في بطنك مع السماعه .. وانا اللي اهجد واقول ابشر بنثبر

الزبده رحت شيكت زيت اللددسن والمويه والبنزين والعده كل ابوها.. الا هاذي العجوز اللي نشبت بحلدزي وقالت ماتروح الا رجلي على رجلك تقول ودي اسير على خوالك مبطيه عنهم.. وقلتلها اي والله النشبه .. وهي اللي تصفقني على رويسي كف حلاقه وقالتلي انثبر ( ماتلاحظون اني تهزأت ):؟ للحين ماشفتو شي

والله واشغل الموتر على الصبح .. واوقف عند المحطه .. وشريت لامي لين بنكه التمر وجلكسي ابو ريالين .. وانا شريت سيزر برتقال مع جزر وبكيت مالبورو احمر

الزبده وماشي على الخط .. ورحنا يم الحلال وركبته بالحوض ومشغلهم عبدالله السالم ومنطربين الشباب ورا .. وامي تاخذ وتشلخ علي من صورايخ العجايز ( انتو خابرين صورايخ العجايز والشيبان ) :Laughin2:

وانا راسي عورني وودي بزقاره تعدل راسي .. مير معصي ادخن قدام امي:hit2:

والله وتقفل معي .. وازود السرعه وصرت امشي 280 <<< 280 وبددسن كيف تجي ؟:ooo9o:
يعني مو 280 يعني كذا 180

الزبده الا هذي نقطه التفتيش قدامي.. ياليل الليل وش اقولهم اللحين .. والا هذا العسكري يوقفني .. ( الرخصه والاستماره واثبات الركاب ) وانا اللي انهبل :eek: وقلتله مامعي ركاب

وقال واللي ورا وشو ؟؟ خخخخخخخخخخ والله انه منسم خخخخخخخخخخخخخخخخخخخ

قلتله يابن الحلال هذولي غنم .. قالي قل والله ... وقلت والله .. قالي ( حبك ماجد عبدالله ) :ANSmile09: الزبده شفته عطاني وجه وقام يمزح .. قلتله يالله بس خلصنا وش تبي؟ قال صفط علىجنب

واصفط واحط الغتره على الكتف .. وقلت خير شعندك ؟ قال ليش مسرع ؟ :hah:قلت ماني مسرع ولا تتبلا علي ومن هالحتسي .:sm159:

ويوم اشتد الحوار فيما بين الطرفين .. الا بهذاك العسكري اللي يمسكني من رقبتي حتى كااد ان يكسر عقالي :confused:انا يوم شفت السالفه قلبت جد ( بلعت العافيه )

وقلت ياحظره الجندي .. انا ماني مسرع .. يوجد هناك لبس بالموضوع << من الخرعه صار مثقف .. وهو اللي يقول اصصص انثبر ولا كلمه

الزبده قالي من اللي معك ؟ قلتله امي .. قال وش يثبت ؟ قلتله رح اسألها .. قلها انتي ام مضيع والا لأ؟ شف وش تقولك .. الا وهو اللي يزرني مع غترتي بغى يذبحني

وقمت اصيح يمممممممممممممممممممممما يمممممممممممممممممممممممممممممما :blb7::blb7:

الا وشوي الا امي تنزل من الددسن .. وجت مشوته قلت بس اللحين بتفزع لوليدها .. وتجي عند العسكري وتقوله وش مسوي مضيع ؟؟ الا العسكري يقولها ( ولدتس ماهوب مؤدب ) :frown:

وشوي الا قالت للعسكري اي والله ياوليدي انها يتتن ويهرب من المدرسه وووو الخ الزبده فضحت بي عند الله وخلقه .. والا العسكري يقول لامي ... تدرين ان ولدتس يمشي 180 ومعرض حياتس وحياه الخرفان للخطر

وامي تقولي ترجم وش يقول هالعسكري ؟ قلت يما هذا يتكلم عليتس:bnfjr: ولا دريت الا بذاك الشلووتي اللي لصق وجهي بدبه البنزين . وهذاك الشلوتي الثاني اللي لصقني بالدريشه :sm2:اللي ورا

وحطو الكلبشه بيدي :blb7: واذا بأمي تنفجر غضبا :eh_s(14):وتطلع العصا السحريه وتمحط العسكري محطا مبرحا:hitt2: وتاخذ المسدس وتقول اذا مااطلقتو صراح مضيع راح افجر فيكم ياللي ماتستحون على وجيهكم ياللي فيكم ومافيكم والخخخخخ ( بعدي والله يمه ) هذي الامهات والا بلااااش :sm212:

والله وتأسفو العساكر مننا وقالو والله مانعيدهاا والمسدس خلوه معكم بس لا تذبحووناا امانه حتى عندنا عيال ووو ومن هالحتسي الماصل :eh_s(6):

وجينا انا وامي وسوينا اجتماع صغير واتفقنا نسامحهم هالمره بشرط انهم مايتعودونها

والله وركبنا بالموتر وفحطنا بوجيم ودعسنااااااااااااا وامي تقولي ادعس ادعس ولا عليكم من اطلق شنب دام معك امك لا تذل ياوليدي ( احلى يما معاها مسدس ) :biggrin:

واذا بنا نقترب الي مضاربنا ونحن نسير بسرعه 290 كيلو مترا بالساعه

واذا بالشرطه تطوق المنطقه بأكملها وتشهر المسدسات في وجيهنا ونحن بلعنا العافيه واقول لامي .. ( يماااااااا السالفه صارت جد ) جبتي فينا العيد :hah:

والا دبابات وطيارات وكلاشنكوف وآآر بي جي وزحمه وحوسه :sm154:

وانا قمطت العافيه وقلت لامي يمااا يومنا قرررب يا يمااا

واذا بقذيفه من بعد عشره اميال وطائرات مروحيه تقصنا يمنه ويسرا :eek:

وزودت السرعه عشان اتفادا الطلقات والقذائف الصاروخيه

والا اشوف قدامي دبابه واقفه ومصوبه هذا الشسمه على ددسنا وقلت لامي ( انبطحي ارضاا ):sm168:

واحاول ادعس بريك ابي ادعس بريك وجتني ام الركب وارفع راسي والا الدبابه قريبه من عندنا وانا مشوووت ماشي الطبلوون لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااا

والا هذاك البقس اللي يصحيني من النوم ( يلاااا قم رح للغنم قم ):a059::mo13: