منتديات روعة الكون - قصتـــي مع شهادة الثانويــة ... (دعوة للإستمتاع)(الجزء الاول) ...!!

سلام الله على وجهـ(ن) تبسم يوم دخل موضوعي وياحبني لساندرا واغانيها وجسمها وكل ابو شي فيها اطرح بين اياديكم موضوعي الثاني بهاالمنتدى< (تلايط)ويازينها والله لايخلينا ولايحرمنا منها ولا من اعضائها اللي وش حلاتهم ودك تآكلهم اكل إلا طبعا (اخوي الصغير) لأنك ماتقدر تآكله من كبر خشمه
بدون اي مقدمه تذكر بخش بالموضوع على طول لأني متحمس لطرح الموضوع ومسفعـ(ن) اكمامي واصارخ <- مدري ليش اصارخ بس الوكاد مافيه احد(ن) وراي

"~"~"~"~"~"~"~"~"~"~"~"~"~"~"~"~"~"~"~"~

وكعادة الشاب السعودي المهذب المؤدب يفرح عندما ينجح ويتألق في مجاله العلمي بل إنه يتشقلب على سريره من الفرحه
ويقوم يزاعق ويفصخ الفنيله ويدور بالصاله كل هذا لأنه تخرج من الثانويه وكأنه لايعلم بالبلاوي اللي تجيه عقب التخرج
وهذي كانت حالتي قمت في صباح يومـ(ن) جميل وبوسط زقزقت العصافير والقطو اللي بالحوش يناظرهم وهم يزقزقون على راسه
ويقول يلعن امكم انزلوا وانا اوريكم شلون تزقزقون من الروعه ياكلاب الله يلعن آبو
من جمعكم يابنات الكلب <-- هذا القطو يقوله وإلا انت
قمت وفتحت النت لأتعرف على شهادتي واعلم كم هي نسبتي كأي طالب حمار ماهوب لم الدراسه وخايف انه ساقط وشايل هم شلون
بيعلم ابوه انه سقط ولكن حصل مالم يكن بالحسبان فتحت الكمبيوتر فلقيت البطاريه فاضيه <-- كل تبن يالساااااااامج:mo13:
لا عاد الصدز انعوج لساني وانا اقول لكم القصه بالفصحى خلونا من حركات ابو جهل فليذهب للجحيم ولنتفق اننا نتكلم على طريقة امي حصه
والسالفه يوم جيت ابعرف نسبتي واكتب اسمي ورقم جوازي <-- طلعت فضايحك يالايراني
والله وتطلع نسبتي ميب زينه
طلعت ازين من الزينه نعنبووها لدرجة اني قريتها وبسرررعه خلال ثواني صكيت اللابتوب خفت انظل نفسي
اجل واحد(ن) حمار مثلي ويجيب 92% بثانويه عامه علمي يالها من فضيحه بين العرب
عندنا بعائلتنا اطلق واحد اللي يجيب 70% هذا الزاحف حق عائلتنا يسوون له حفل تكريم بس اللي يجيب درجات عاليه يتفلون بوج
وبعد ماعرفت نسبتي وطرت من الفرحه رحت لأبوي ابي ابشره واعلمه بنسبتي
قال كل تبن قلت ابشر
قال ياوليدي تراك حيوان واعرف حركاتك تبي تلعب علي وتقول نجحت ونسبتي زينه عشان تجلطني واموت وتفتك وتآرثني
قال ترا على العموم لانيب مهتم لافيك ولافي نسبتك ولافي امك <-- امي وش دخلها
قلت طيب يبه الحين انت متى بتموت ؟ <- يلعن ام الشطحه
قال ياوليدي الله يلعني يوم اني غلطت مع امك وجبتك يالخسيس تراك وقصم بالله محروم من الميراث هذا ان بقيت لكم شي يالجحلَط
انا فقدت الأمل بأني استمتع بفليسات ابوي
وقلت يالله ابشد حيلي ونسبتي الزينه بتخليني ادرس بقسم يحبه قلبك وابطنطخ وازغطط عقبها
ولو اشوف ابوي على فراش الموت ماقلت له قل لاإلـه إلا الله ولو اشوف مديون بريالين وهو مطفر والله ثم والله اني ما اعطيه
ولا ربع ريال <-- حاقد من جد
وانرسمت في مخيلتي اني مُبدعـ(ن) ونسبتي محد(ن) يقدر يجيب زيَها ولو ابي اصير الملك نسبتي بترشحني لهذا المنصب
وانا بحيل الله بدرس وبتخرج وعقبها عل طول بعرس مليت وانا حمار(ن) اثول ماغير ذبحني هالصابون ابي استخدم شي احلى
واقهر ابوي واعرس على وحده ازين من امي والين شافها تطيح سعابيله بس والله حتى حبَـة راس ماخليها تحبه مابقى إلا هي والله اللي يبطي تحبه
آآهـ وقصم بالله فاضت قريحتي وانا عزوبي وانا اكتب هالموضوع احس في جعبتي الكثير والكثير عن امور العرس بس المراجه مهيب مخليتني في حالي
وانا عاقل فلذلك بأنطم واعود لصلب الموضوع ودع المراجه لموضوعـ(ن) آخر..
وبعد ما صدقت عمري وفرحت وصرت ألعن واسب وازاعق جا وقت التقديم على الجامعات وكل من رحت له قال اقلب وجهك ياوليدي
وكل تبن <-- ياربي هالتبن ملاحقني في كل مكان
مابقى جامعة بالرياض ماقدمت عليها وكلهم يكرشوني
وبصراحه اللي فاقعـ(ن) مريرتي اني اسمع بالأخبار ان مدخول البلد من النفط بس
يعادل ميزانية بلد من بلدان شرق آسيا وهنا مذبوحين بالديون والأقساط ومع كل هالأخبار الزينه منلعـ(ن) جدفنا في ديرتنا
وبعد ان صلت وجلت في ارض الوطن بحثا عن شي يلمني من حثالة الفقر والمجاعه ولحد(ن) حولك يساعدك
وبهاك اليوم نقز في وجهي صديقي ابليس وقال ياخي يالثور يوم ان دولتك تدعم هالسواريا والأردن ماديَا وتفتح لهم مشاريع وراك ماتروح وتدرس هناك
التفتت على ابليس وقلت له تقوله صادز يابو بلس <-- خويه ياناس خويه
قال ابليس ايه منها تستفيد من دراهم دولتك ومنها تشوف ناسـ(ن) سفرهـ وتشرح الصدر بدال هالأشناب اللي يجيبون المرض
((حتى ابليس مل منكم ياعيال الوطن ))
وفعلا رحت لوزارة التعليم العالي والله وألقاهم يحتفون بي ويصبون لي شاهي وعصير
مدري وش بلاهم علي كل هاللي يسوونه عشان يبوني اذلف عن الديره ؟؟
ياناس هالديره احبها ولا اقدر اتركها او اهاجر عنها <-- حبتك القراده ياخي هي ماتحبك بس اذلف
وبالفعل يوم مالقيت اكل عيش في بلدي اللي افديها بروح كل واحد قال لي كل تبن بحياتي
قررت اني اذلف لأي ديرة تحتضني وتدرسني ..
وادخل على واحد(ن) يشتغل فيذااك واقول له ابي اروح ادرس برا
قال : ابشر وطلبك موجود انت بس تآمر امر <-- يلعن امه كني قاعد(ن) في ديرة ابوه وراهم يبون الفكه مني؟
قلت : بس ياخي خايف من الغربه .. <-- ياروح البراءة يا انا:mo13:

(لتكملــــــــــة بقيـــــــــــــة)