|
في سكوتي
في سكوت ..
وقبل لا صبري يموت .. ورغم صمت الحاضرين .. والظلام اللي يخيّـم عـ المكان .. نور وجهك .. كان هو النور الوحيد اللي لمحته .. ونظرتك .. كانت الشي الوحيد اللي فهمته .. وكان قربك لي قريب .. وفي حضورك .. كل شي حولي يغيب .. شفتي يـ اللي نورك أسعدني وحضنّـي .. إني من دونك غريب !! .. .. وفي ثواني .. صوتك أفزعني ودعاني .. واندهشت .. وارتعشت .. صدق اني قبل أشوفك كنت متحطم , كئيب .. كنت أسلّي نفسي بذكرى أليمة ثمّ أتبعها بـ نحيب .. وقبل لا دمعي يجفّ .. مر ّ طيفك وأحتواني .. وفي ثواني .. وبعد طيفك مااحتواني .. شالني من ظلمة الذكرى ووداني بعيد .. وقبل لا أوصل لـذاك النور أجتاحك غرور .. وفي ثواني .. صرت متواضع وألبسك الألم ثوب ٍ جديد .. وخفت من دمعي الحبيس وخفت لا دمعي يثور .. وفي ثواني .. وبعد ماكنتي أمل بالنسبة لي .. صرتي أتعس شي جاني .. بـ أطلبك روحي وخليني وحيد .. ولا تغرّك دمعتي .. ياللي كنتي شمعتي بين الظلام .. صدق إني كنت أشوفك كل شي بالنسبة لي .. وفي ثواني .. صرتي شي ٍ فوق رفّ .. ماهو محسوب ٍ علي ّ .... وين كنتي وكيف صرتي ؟! وكيف صار وأنتهيتي ؟! وكيف رحتي .. ومن ينابيع الخيانة أرتويتي .. ومن بعد هذي الخيانة .. في ثواني أنتهيتي .. ومن حياتي .. ياللي كنتي لي حياتي .. أنتهيتي .. وفي ثواني .. ومن بعد ماعشت أيامي بـ ظلام .. أنتهى كل الكلام ..!! .. .. |
مشكور أخوي ilmaj على هذه الكلمات الجميلة .... تقبل مروري ....
|
يسلمك ربي ويخليك ومشكور على مرورك يا اسير الشوق
|
الماجد أنت نسمه تمر لتشفي الجراح وتلهم كل عاشق أن يهيم ويبوح ويكتب ما حرمنا الله منك ولا من تواجدك ومشاعرك الرقيقة ودمت ودام وجودك معنا دائماً ما حرمنا الله هذا التواجد العطر لك تحياتي |
الله يسلمك ويخليك على كلامك الطيب وشكرن على مرورك ياخوي ولد العز
|
| الساعة الآن 09:10. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون