منتديات روعة الكون - قصيدة التسعين مليون

ياليت لي في البنك تسعين مليون
ويصير لي في كل شارع عماره
وسيارتي بي ام ولا افالون
واقاوم الجمسات عند الاشاره
ولاشافني الحساد بالغبن يبكون
ويصيبهم بالقلب نار ومراره
واذا لفاني راعي الطيب مديون
اشيل دينه واكفله في الاماره
وارز ربعي وامسح الفقر والهون
وارد للمظلوم كل اعتباره
واذا لقيت الي يتيم ومحزون
اعوضه واحميه واحسن وقاره
ثم اشتري لابوي فله وصالون
فكسار فل ماتغسل غباره
وبكل يوم والمعازيم يلفون
بيت الشعر ماينطفي فيه ناره
وفي البر لي سجه مع كل دندون
واحط لي خيمه بخالي قفاره
واضحك واسولف واترك ابليس ملعون
واهدف على المزيون والفي دياره
لو يطلب اغلى ما املكه والله يمون
حبه بتصنيف الهوى في الصداره
شوفته تسوى ياعرب الف مليون
جيبوه وارضى بالفقر والخساره

للشاعر/ عبدالله آل فرحان

وشكرا

(الغريب)!