تكملت المصالح والمستغلين
 

* وحده خبرتني عن سالفتها :


" كنت اشتغل فدايره من الدواير .. ادقق فالمعاملات

القانونية وغير القانونية .. واستبعدت معامله راجعه لشخص معروف

فالدوله ..

استدعاني المدير .. وسألني عن السبب ..

شرحت له ..

ورد عليه : أنا مقتنع بكلامج .. ولكن هذا الريال معروف وما نبا مشاكل ..

قلت له : هب القانون على الجميع ؟؟ ..

قال : هي نعم .. ولكن هذا اذا ما مشينا موضوعه بيمشونه غصب ..

قلت له : دام السالفه على ناس وناس شوف لك وحده غيري تمشي

الموضوع !! ..
هني .. عصب المدير وطردني من المكتب "

( الظاهر ان القانون على ناس وناس .. ) ..





* وحده من قهرها وغصتها قالت لي :



" ادور على وظيفه من اشهر عديده .. ما خليت دايره ولا

شركه خاصه ..

قالوا : انهم يبون اصحاب الخبرات .. وعلى خبرتي ودوراتي وسفراتي

العمليه ما لقيت رد ..

فيوم من الايام جاني تليفون من دايره حكوميه .. جلست انتظر الدور ..وانا

قاعده اسمع سوالف البنات هناك ..

المهم وحده قالت : اتمنى يقبلوني لان حالتنا عسيره ..

ووحده قالت : ما يقبلون حد الا اللي عنده واسطه بسسسس ..

صديت جدا اللي حذالي وشفتها تبتسم : " انا بيقبلوني لان ابويه كلم فلان

وهو في لجنه التوظيف !!! "


فداخلي تمتمت وشو اللي يخليني اتم هني افضل اني اطلع بكرامتي ..

توني وانا طالعه سمعت اسمي ودشيت عاللجنه ..

ما ابا اخبركم شو قالوا لي وكيف استفزوني .. عرفت من اسلوبهم ما

يبوني ..

ولكن ما نسيت سالفه البنت اللي كانت حذالي ..

وسألت وحده اعرفها فنفس الدايره : هل فلانه بنت فلان وظفوها ..

فردت عليه : أكيد ؟؟ وهي على كفوف الراحة "

( دام جذه لا تذلون عيال الناس بمقابلاتكم ).

* هذي السالفه سمعتها من ربيعتي :


" مخالف لقانون الاقامه .. وصل عقب ما شبع من هروبه من

كفيله ..

ويبا يعدل وضعه .. وتكون صفته قانونيه فالدوله ..

كفيله تم استدعاءه لكنه رفض من قهره على هروب العامل وقال ابا الغي

اقامته واباه يطلع من الدوله عقاب له ( من حقه ) ..

ومن عرف هالمخالف بالقرار ما خلا شخص من دائرتنا أو من خارج الدايره ما

توسط له ..

تلفون من فلان ..

وزياره من علان ..

والمصيبه ما يرمسوني باحترام ..

ومن يعرفون القرار يصارخون عليه وانا اطردهم ..

ويوم اقول ان هذا هو القانون يردون عليه : ( شو هالقانون ) "

( اذا عيال البلاد يتوسطون للمخالف عيل الله يعين دولتنا من أمثالهم ) .





* سالفه صارت ويايه :


" كوني اعمل في مجال يخليني اتعامل مع اصغر واكبر

الشركات والتجار ..

طبعاً العديد يعرضون خدماتهم لي عقب ما اخلص امورهم ..

وبطبيعتي ماحب هالامور ..

وانا ما اتهمهم بالرشوة ..

حيث ان السالفه دعايه لهم ولشركاتهم ومحلاتهم ..

المهم كان عندي واحد وقال لي : لا تكونين جديه وياهم .. بتستفيدين منهم

فالمستقبل .. كوني شراتي .. افيد واستفيد ..

قلت له : كيف ؟؟؟

رد عليه : اخلص امورهم .. واحاول اسوي المستحيل لهم .. وباجر لو تكون

عندي مصلحه يخلصونها لي دون تفكير !!!

يعني الحياة مصالح وانتي العبي لصالحج ( شو نحن نلعب كوره ؟؟ ) ..

طنشته وصديت عنه ..

وهو ظاهر من مكتبي قال : فكري بكلامي ما بتندمين "

( مصلحتي اني ارضي ربي وضميري ) .




" من زمان .. وصل واحد من المواطنين فمكتبي ..

رحبت به .. وقلت له : فشو اخدمك ؟؟

قال والله انتي عندج قضيه فلان بن فلان ..

قلت له : هي نعم !!

رد عليه : اباج تسوين جذه وجذه !! ..

وانا اكره ما عندي حد يملي عليه شو لازم اسويه ..

المهم سألته : انته منو ؟؟ ..

قال : انا فلان .. واشتغل عند الشيخ فلان ..

قلت له : والشيخ يعرف انك عندي وتباني اقوم بشي غير قانوني ..

قال لي : هي نعم هو اللي طرشني عندج ..

رديت عليه : شو رايك لو اقول لك ان رقم الشيخ الفلاني عندي .. تباني ادق

له واسأله ..

ارتبك الريال وصرخ : شو يعني ما تبين تسوين الشي وتخالفين الأوامر ..

قلت له : اطلع برع .. والله لا اتصل بالشرطه ..

رد عليه : انا براويج وبتشوفين شي ما بيعجبج ..

ابتسمت له وقلت : برررررررررررررررررررررررررع .. "

( هذي الناس المستغله لاسماء الشيوخ ما يستاهلون هالنعمه ) ..

السلام عليكم ورحمة الله وبركااته


^&)§¤°^°§°^°¤§(&^لو سمحتوو ابغي ردودكم ع الموضووع وشو راايكم في هذا الزمن كل شيء موجود ^&)§¤°^°§°^°¤§(&^