منتديات روعة الكون - موقف اثار قريحه الشاعره والاخت الفاضله نواره الشمري فكانت هذه الدره

السلام عليكم ورحمة الله وبركاته

كيف الحال

تقول الشاعرة/ نوارة شمر

البارحه تالي المشوار جزاني
********** بعض الحثاله حكوا وامسيت مبهوره
هرشٍ حكى ماوزن هرجه بميزاني
*********** يتبع هوى من تعدّت حكم دستوره
والله وربي وكنّه نبح سيداني
*************** غرقان جهلٍ بفعلاته ومنظوره
وينه ومن هي معه ، من طبع الاخواني؟
********* مايعرفون السّلوم من اقْدم دهوره!!
لابارك الله بساعاتٍ بها باني
********* هبّ وعتمْ جونا يوم اظهر اسطوره
خطّه بغل ونطقها عبر الالحاني
*********** واغوى كثيرٍ بإهداءاته ازْهوره
لكنّ زيزومنا ماهوا بخوّاني
******* روض الغـــلا هزّ يابسها مع ابحوره
يعرف سلوم العرب . من نسْل جوفاني
************ أصيل عرقٍ وراقي وان بدعْ شوره
حلّه بإسلوب وابْعد موذيٍ جاني
************ ياطيبه اللي كسى من رجله لزوره
إليه منّي تحيّه . بنت شيخاني
*************** ربّي يخلّيه خيٍ واضحٍ دوره

ردي على الشاعرة

اذود عنك بعد حيي وحياني
************* وان راحت الروح لجلك قلت معذوره
لابوك وقت ٍ بها اخت (الغلا )تهاني
*************** من ناقصين العقل و(....)مسعوره
شفت العجب بالهترش والردى باني
*************** وبالنقص كل ٍ اشوفه متقن ٍ دوره
ياوخيتي لاتهمك هرجة افلاني
*************** اللي يتعدى نرد الكيد لنحوره
ابيك دايم عزيزه وعالية شاني
************ ويبقى شموخك مثل برزان وقصوره
الطيب لك منهج ٍفي كل ميداني
*************** بنت الطنايا بها العادات محفوره
من العهد الاول من اجدودك وجداني
*********** فيك الوفاء وطيبت ٍ والحال مستوره
كتبتها بواحد وعشرين شعباني
*************** رد ٍ على اللي اخوها تاخذ بشوره

وسلامتكم

الشاعر حمد العيد

،،،،،،،،