|
الحياه اسرار
السلام عليكم ورحمة الله وبركاته
هذا اول موضوع اكتبه بهذا المنتدى الرائع وانشالله تشوفون كل جديدي اخوكم/ بطي بن لبده قصيده/ الحياه أسرار الحياه اسرار وابـن ادم ضعيـف نـص ساعـه تعجـزه قدامـهـا كل ماشتى تمنّـى الوقـت صيـف ولا دفـى يبغـا بـراد انسامـهـا المهـم السالفـه ماهـي مصيـف ولا بـراد الليلـه ولا عسامـهـا بادع البيتين الاولى فـي الخريـف مانـي بصـوب القصيـد ايامهـا ويوم شفت ان ثالث ابياتي خفيـف مارظيـت الاّ بنفـس احجامـهـا ويوم عوّد شعري ومعنـاي كيـف الاّ انا فـي عـام ماهـو عامهـا لابرد زادي وهـوّ الـزاد اعيـف للطبيـعـه طبعـهـا واحكامـهـا وسالفة عاما فـي عامـا يامنيـف هاجسي غير الصحـف واقلامهـا اكثـر الاقـلام شغلتهـا تظـيـف ليـن صرنـا حافظيـن إعلامهـا اعذرونـي يالنبيـل ويالشـريـف هم الاكثر رغم صغـر اعظامهـا الحقيقي واحـد وعشريـن زيـف حطـو الخطيـن تحـت ارقامهـا وياجماعه ودي اعرف بس كيـف مابنـا مسـؤل واحــد لامـهـا ولاّ يمكن كثرة الجنـس اللطيـف حققـت للعيـن بعـض احلامهـا لاتخاف وتقبـل الوظـع المخيـف التـفـت للملعـنـه وافـلامـهـا مانبي تركب فرس وتشـل سيـف لا بـدون قصـور فيـك ودامهـا شرذمـه قـل غيّروهـا للنظيـف كلمتك تكسـر سيـوف اخصامهـا ماعليك امر انصر الدين الحنيـف قـل عنـد المسلميـن اسلامـهـا شف سواياهم في باريس وجنيـف وانت تصدر امـر حكـم عدامهـا وان تباعدت الرصيف من الرصيف فتّـح وبتشـوف نفـس آثامـهـا الحيا فـي الاغلبيـه مثـل ظيـف لاحظـر يتـرك معـا خدّامـهـا يرحم الله حالـة الـراس العفيـف ليلـة البـارح سـهـر مانامـهـا يستظيفونـه همـوم ويستظـيـف ماتحـس الامّـه مــن آلامـهـا وياهنيّك فـي عيونـك يالكفيـف مابعـد جربـت جـرح صيامهـا والحياه اسرار وابـن ادم ضعيـف بـس ضعفـي ماطلـع قدّامـهـا في الشتى ببرد وابدفى كل صيـف كلمتـن يالعنبـووو مـن لامـهـا وسلامتكم كلمات / بطي بن لبده |
يسلمووووو
اخوي والبيت بيتك وخذراحتك بس لاتنسى كل اسبوع نزل 5 مواضيع اوكي تحياتي لك.. النوفي الشاطري.. |
الله
كلام ولا اروع صح لسانك اخوي بطي بن لبده على القصيده الرائعه والاكثر من رائعه وننتظر باقي قصايدك تقبل مروري |
والحياه اسرار وابـن ادم ضعيـف
بـس ضعفـي ماطلـع قدّامـهـا في الشتى ببرد وابدفى كل صيـف كلمتـن يالعنبـووو مـن لامـهـا تسلم خوي شعرك اكثر من رايع وتقبل مرووري اختك احاول اتواضع |
ماشاء الله
جنااااااااااااااااااااااان والى الامام اخوي |
ارحب ثم ارحب ياااشاعر بن لبدهـ
مرحبـــاٌ ترحيبة من وااااادي تــــــــــــــربــــــــــــــــــه إلى الشرقيـــــــــــه وياجماعه ودي اعرف بس كيـف مابنـا مسـؤل واحــد لامـهـا ولاّ يمكن كثرة الجنـس اللطيـف حققـت للعيـن بعـض احلامهـا لاتخاف وتقبـل الوظـع المخيـف صح لساااانك مليووون قصيدهـ جزله من جـــــــــــــزل لاااهنت يالقرم وفالك الطييييب والمليووون تقبل مروري على صفحتك هـاجـس |
الله عليك
صح لسانك والله تسلم يمينك رائع |
صح لسانك
وسلم بنانك قصيده تهبل وانشالله نشوف القصايد الغزليه والله يوفقكـ |
صح السانك يا بن لبده وبيض الله وجهك على القصيده الجزله
تقبل مروري اخوك / عـــزام العتيبي |
الله لايهينك يابن لبده
شاعر جزل وقصيدةً جزله الله يوفقك يارب وتقبل مروري اخوك خالد الدويش |
| الساعة الآن 08:00. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون