منتديات روعة الكون - @@ حــــوادث تفحيط لاحول ولا قوة الا بالله @@

السلام عليكم ورحمة الله وبركاته

حوادث تفحيط (فيديو)

بالله ياشباب الى متى على ذا الحال يعني بالله ما تتعظون بالي كل يوم ميتين بحوادث التفحيط ، أنا بس ودي أدري وش تنتظرون يعني تنتظرون الدور يجي عليكم

بالله أبغاك تتأمل ذا الصورة وقلي منهو الخسران

http://images.abunawaf.com/2007/09/05/f7acd46e81.jpg

تدري من الخسران ؟!!!

1- أبوك الي تعب عليك يبيك تبيض وج ويبي يرزك في المجالس ويقول ذا ولدي فلان وكان ينتظرك تكبر عشان يشد فيك الظهر لكن ياخيبة ظنه.
2- أمك الي تعبت عليك وتنتظر نفعك ولا يحتاج أعلمك بشعور الأم وآخر شي تجي وتفجعها هالفجيعة وياليتك ميت على خير كان لها عزى بس مع الأسف ميت على خيبة
3- أنت ايه أنت ، خسرت ولا خسرت أي شي أنت خسرت كل شي خسرت الدنيا والآخرة يعني بالله وش تتوقع وأنت منتهي على تفحيط ومخدرات وشذوذ وعقوق وسرقة حلال الناس وازعاج المسلمين وقل صلاة هذا إذا أنت تصلي يالزلابة << عصب الجنطhttp://images.abunawaf.com/2007/09/05/yahoo.gif

بالله الى متى والناس يضحكون عليك يقولون لك أحلى يالطارة وياملك الطارات ومن ذا الكلام الغبي وانت تدربي راسك وتبدا تميلح قدامهم يعني بالله ماتدري وش بيسوون ذولي الي ينفخون فيك وأنت تصدق ، اذا جبت العيد يبي يبدون ذولي الي يمترون الشوارع وراك يتراسلون ويعلمون بعض وكل رساليلهم يتشمتون فيك ويقولون الزلابة فلان قبع في الفروسية والا الغروب وبعدين يروحون لبيوتهم ويتغدون وينامون وأنت تحت الأرض والا في السجن

والله انك خسران وخسارتك 100% ومضيع حياتك على خيبة الرجا ، شف أخوياك وش صاروا وأنت للحين داج وتدربي راسك في الشوارع ، وهالحين أبغاك تسأل نفسك ذا السؤال :

إلى متى وأنا زلابة ؟لتحميل المقاطع :المقطع الأول ارعص بذا (6.3 م ب)المقطع الثاني ارعص بذا (3.5 م ب)المقطع الثالثارعص بذا (315 ك ب)

********