|
الله من قلبٍ همومه تخمه // ابي رايكم يا اهل الشعر
بسم الله الرحمن الرحيم
قصيده وهي عن الوقت الا حنا فيه الي عز الرخوم وذلت الطيبين اهل الطيب اتركم مع القصيده وهي تشرحلكم الوضع وما فيه وانشاء الله تعجبكم وتحوز ع رضأكم الله من قلبن همومه تخمــه خـمت مخاليب الوحش لبرق الريــــــش يقبل علي الهم مارحت يمــه وليا بغيت انحاش مالي مناحيـــــــش غديت مثل صغيرٍ ماتت امــه دايم عيونه لا طرتله مشاويــــــــــش ورعٍ يتيم ولا لقى من يضمـــه يصبح ويمسي ما اهتنى بلقمت العيــش وهمي يا ابو سلطان يشبه لهمه تارد علي هموم قلبي مغابيــــــــــش والرجل اسيرها على غير يمـه والكبد يبست والضماير معاطيـــــــش وليا شكيت الحال للي يهمـه طنش ليا قفيت شكواي تطنيــــــــش وقتن تغير مابقى فيه ذمـــه والطيب راح وما بقاله عراميـــــــش معاد به ذيب على راس قمـه دار الزمن واستذيبن المخاريــــــش راعي العزايم مابقى فيه همه ولاعاد في راسه علوم ونغاميــــش عقب الشجاعه رد راسه لكمه خلى الطراد وراح يسبر هل الجيـش كلٍ لها في جمع ماله يلمــه زاد الرصيد وعاش في معمع الطيش لجل الريال يبيع خاله وعمـه حتيش لو داس المواجيب حتيـــــش واهل المجالس كبروله معمـه مقدرٍ لو كان تـيـشٍ ولـد تيـــــش وليا بحثت اقصاه جاب المطمه عساه عن عيني من بعاد المطاريش دنياً كف الله شرها مدلهمــه شاخت فروخ البوم هم والدراويش وقتٍ يحير وانت بالاسم سمــه عجزت القاله شبه في التهاميش وقتٍ تغير فيه المذاهب والامـه ماقد حصل مثله على عاد وقريش وعطني جوابك وانت قد المهمه واحرص اليا فتشت الاحداث تفتيش وافطن وميز بين فتحه وضمــه صفه ونقه لا يجيبه جرابيــــــــش صاحبك من زود العنا زاد غمـه مشوش فكره من الغبن تشويـــش مابقى في هيكله غير دمـــــه وغيران عينه ما الحقتها المناقيش يصبر ويغضي كل ماجاه كلمه ويصبر ويجزع لونس الجرح لانيـش والبير جف وخالط القاع جمه ولي بقابه ماجذبته الخراطيـــــش وسلاااااااااااااااااااااااااااامتكم جميع وااااااااسف على الاطاله ولكم خالص تحياتي عــــــــــزام العتيــــبي |
اخوي عزام صح لسانك
قصيده في غايه الروعه وخصوصا موضوعها لك مني خالص الشكر والتقدير تقبل مروري دمت بود |
اخوي عزام
صح السانك ولاهنت قصيده تحكي عن الواقع معبره فعلا وكلماتها في غاية الروعه تسجيل متابعه تقبل تحيات شاعرةالمليونksa |
صح لســــــــــانك.
وعجبني كلامك الي قبل القصيده. من جد الوقت ذا عز الرخوم وذل الطيبين. وتقبل مروري و ط ل ت يـــــــــــــــ^ |
|
يعـــطيكـ العـــافيهـ
عـ القصيدهـ الــــــــرائعـ وبقمــــة الابــــــــداعـ اشكــــركـ مــن كـــل قـــلبي تقبل مرور اختكـ |
~*¤ô§ô¤*~*¤ô§ô¤*~
صح لسانك اخووي عزام قصيده رائعه بمعانيها تتضمن موضووع حساس يعطيك العافيه ولا هنت بإنتظار جديدك تقبل مروري وتحياتي مشآآعر |
اقتباس:
صح لسانك يالذيب الاروع مرورك يالغالي والله لايهينك احترامي وتقديري لك |
اقتباس:
والله لايهينك يا شاعرة المليون وشاعرتنا الاروع مرورك يالغلا لك كل الاحترام والتقدير |
اقتباس:
صح بدنك اخوي والله لايهينك على المرور العذب لك كل الاحترام والتقدير وخالص ودي |
| الساعة الآن 09:44. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون