~ أنــــوٍآعـ ـآلح ـــــــــب ~
 

/

\


حبٍ يشيّب صاحبه ما بَعَدْ شاب *** وحبٍ يشيب وصاحبه في شبابـه

وحبٍ يغيب وصاحبه ما بَعَدْ غاب *** وحبٍ يدوم وصاحبه في غيابـه

وحب يذوّب خافقٍ ما بعد ذاب *** وحبٍ يداوي صاحبه مـن عذابـه

وحبٍ يتوّب خافقٍ ما بَعَدْ تاب *** وحبٍ يزيدك رغبـةٍ فـي الكتابـه

وحبٍ حياته كلّها لوم وِعْتاب *** وحبٍ حقيقـي مـا يضـرّك عتابـه

وحبٍ بلا معنى وحبٍ بلا اسباب *** يبدا غريب وينتهي فـي غرابـه

وحبٍ ضعيفٍ مثل حبرٍ على كْتاب *** تمحيه دمعه في ثوانـي كآبـه

وحبٍ قويٍ مثل قصرٍ له ابواب *** لو هبّ عاتيْ الريح ما اهتز بابـه

وحبٍ بداية رحلته نظرة اعجاب *** واخر مطافه مثل يـومٍ بـدا بـه

وحبٍ يعيش بداخل قْلوب الاحباب *** وحبٍ يشيع وكل حَيٍ درى بـه

وحبٍ مقامه في ضلوع الصَدِر طاب *** وحبٍ يعدّي مثل مرّ السحابه

وحبٍ على قبره نعق بوم وغْراب *** وحبٍ تغنّى به لحـون الربابـه

وحبٍ بمقدارٍ وحبٍ بلا حْساب *** وحـبٍ بمعـروفٍ وحـبٍ نهابـه

وحبٍ يعيش أهله وسط داره اغراب *** ويموت قهر ويندفن في ترابه

وحبٍ غدا سرّه سوالف للاجناب *** وحبٍ يموت وصاحبه ما حكى به


/

\

/


دمــتم بـ حبّ

منقول

وكــ عام ونتم بخير ــــل

بسم الله الرحمن الرحيم

السلام عليكم ورحمة الله وبركاته


يعطيك الف عافيه على جهدك الرائع

وننتظر الجديد من المواضيع

بمنتدى روعة الكون

واتمنى الاستمرار بهذا الابداع

تحياتي لك

تيتو