منتديات روعة الكون - فضيحه علني رسمي!!!!!!

مرحبااااااااااااااااااااااااا

اول شي مبارك عليكم شهر رمضان وينعاد علينا وعليكم إن شاء الله

الصراحة ما لي خلق اكتب مقدمة المهم انه موضوع ماساوي اكشناوي سمبثاوي >> الله يخرب بيت الاحياء لحس عقلي
فخلينا ندخل في الموضوع دووووغري

في يوم كئيييييييييييييييييييييييييييييييييييييييييييييييي يييب
كنت قاعدة وملانه وشوي واذبح نفسي من الملل

قلت مالي إلا اروح اشوف التي في اللي في غرفتي
وانا ماشية شفت جيتار اخوي قلت خليني اخذه وادندن فيه شوي

الزبدة
قعدت في غرفتي وقفلتها و شوية اشوف التي في وشوي ادندن لين لاعت جبدي من
الدندنة والتفتفة >>>> ترا جملة متعوب عليها هع هع هع

ومن زود الملل جاني النوم واخذت لي غطة >>> ترا الغفوة عندي 10 ساعات هع هع
وفي هذه الأثناء >>>> اخس يا الفصحى
ابوي كان يدور علي وما لقاني وسمع صوت التي في من غرفتي ويطق علي الباب مرة مرتين
ثلاث اربع خمس لين تكسرت يده ومحد يرد وانتشر الخبر في البيت ان ابوي يطق وانا ما ارد

وبدا الاكشن >>> مهبولة الناس خايفين وهي تقول اكشن !!!

الكل حط في باله اني مت >>> اسم الله علي من الموت الكل يسمي علي هع هع هع

وتطور الطق على الباب إلى مصارعة مع الباب ابوي جرب كل انواع الاسلحة >>>داخلين حرب خخخخخخخ اقصد كل انواع الازعاج عشان اقوم ولا حياة لمن ينادي ويمكن وصلت لسابع غفوة >> وفرحانه بعد !!!!

وخلال عملية انقاذي تم تجريب التالي >> انقلبت اخبار لا بالله الإحياء لحس عقلها هع هع هع
1- التفتيش عن مفتاح سبير ولم يوجد

2- جاب ابوي المطرقة وتم تكسير الباب ولكن المطرقة كانت صغيرة >>> والله ما منكسر إلا لغتج هع هع

3- استعان ابوي بصديق يوه يوه اقصد بمطرقة الجيران الكبيرة التي يستخدمونها في تكسير الطوفة >>>يعني الفضيحة صارت علنية وصلت للجيران

4- البيت صارت فيه مناحة ولهذا السبب تم الاتصال على الطوارئ 777 >>>لاااااااا الفضيحة صارت رسمية

وطبعا حضرت جنابي الأنسة الموقرة نايمة في العسل ولا حاسة بكل اللي صار من صراخ وتكسير وفضايح لاني باختصار خيشة نوم هع هع هع

وبعد ما لعنو خير بابي وكسروه وجابوا السايق يدز معاهم
اخيراااااااااااااااااااااااااااااااااااااااااااا

انفتح الباب >>> بالأصح اتكسر خخخخخخخ
والكل خايف ويترقب >>> توها قارية المعجم وتتميلح عليكم خخخخخ
قرب مني ابوي ومسك ايدي
المفاجاة صحيت من النوم >>>>لاحظوا من لمسة قمت وكل هالتكسير و التهديم ما قعدني والله دنيا مقلوبة هع هع هع >>> اخس يا الحكم ابوي انصدم وانا بكل برود اقوله : شنو فيه ؟؟

ما حسيت إلا بالجيتار منكسر نصين على راسي

ومن عقبها حلف ابوي ما يصلح الباب اللي كسروه >> الله يخلف عليج هع هع هع هع

الصراحة انا كاتبه الموضوع لسببين الأول : نصيحه ابعدوا عن الدندنة والتفتفة لان ما يجي من وراهم إلا الفضايح هع هع هعالسبب الثاني و الأهم :
7
7
7
7
7
7

يا جماعة الخير محتاجة احد يصلح لي الباب