|
كانت
لامن تذكرت اذرب ايامنا صار
...................الكون كله مايجي نص حاره لذالك المشوار في كل مشوار ...................لو طال اعدّه ميلتن واستداره في الدار ولاّ كنت في خارج الدار ..................الحال نفس الحال هم ومراره وماعاد يشرح خاطري كثر الاسفار ..................من عقب ماكانت سواة البشاره من اول اسري واقطع ديار وديار .................واشب ناري فوق راس المناره وانسى زعل قبل امس من زلة الجار .................وماهو رجل من لاتوصّى في جاره هذا مثال وقصدي السجه اقدار ................ياما على يديها نسيت الخساره واليوم همي صارت علومه كبار ...............ولاعاد تنفع به هبوب الزباره لو ماتزيد النار ماطفت النار ................ومن فوح دمي صار يطلع بخاره وجدي عليها وجد من حكمه انهار ................وصاروا عليه اللي معه في الوزاره ومن ظيقه ومن كثر ماكان محتار ................عديت له عاشر صلاة استخاره اضرب توجاده برقمن له اصفار ................ويبقى توجادي يحل الصداره حرارة الشوق ابرد احساسها حار .................لازلت اعانيها وياهي حراره اذكر مدخن كان من حارتي مار ..................ولا معه كبريت ويشب ناره وساعة تعداني بعد خمسة امتار ..................وقف على دخانها من يساره اثر الزقاره يوم جنبي وسار ................بيده وشبت من صلاي الزقاره ماهو خيال وكذب وشوية افكار ................عواقبن مانلتها الاّ بجداره كانت علي الطف من وجيه الصغار .................حنّيه وذوق ومحبه واثاره وانا عليها كنت قاسي وجبار ................كل ماتعذر تاره ازل تاره ماامحق من العار الاّ الاحساس بالعار ................لاصار مافي ثوبك الا الطهاره الله يعين وباكر تهل الامطار ................واصبح على ورد الربيع وخضاره كل شي يزين ان عوّدت لكن مجار ..................ياقلب من بيده يجيب انقهاره ان كانها ماعادت اي نافعن ضار .................الشرب ضار ولقمة الزاد ضاره بغيابها الاعمار ماتحسب اعمار .................وبوجودها للوقت سعر واداره حتى المعاني والقوافي في الاشعار .................بوجودها نهظة بلد وازدهاره وبغيابها شعّار ماهم بشعّار ................مثلي وبيتي وصرت اخاف انكساره ماللقصيد ارواح من موت الاخبار ................وماللمحب الاّ شــقاه ودمـاره ماصار لا والله ولا نص ماصار .................باقي سهر ليله وذلة نهاره على الاقل الليل ونجومه اسرار .................بس النهار اللي نواكب مساره احداثه اهوال وثوانيه الاخطار ................ولولا الاطاله ماقصدت اختصاره في الخاطر اللي لو نصبه في الابحار .................شفتوا زراق الموج يقدح شراره وسلامتكم |
صح لسانك
اخوي بطي بن لبده وماهو غريب على القصايد الجزله صح الله لسانك تقبل مروري اخوك ج ــرحي ع ــميق لا تحرمنا من قصايدك ترانا من المتباعين لقصايدك الجزله |
مرحبا يابطي
من لايحترم الشعار ماهو شاعر والقصيده انا لقيتها في الصفحه الثانيه ومثل القصيده قمه تستحق الصفحات الاولى ابداع يابن لبده وانت شاعر ولافيك حيله انا اتمنى لك التوفيق وصح لسانك ياغلاي دمت ياصبي قحطان ودام نزف قلمك اخوك خالد الدويش |
صح لسانك
ننتظر جديدك يا شاعر المليون لاتحرمنا دمت في حفظ الله ؛؛؛ |
صحت ابدانكم
|
تو الناس على هاللقب ياغالي وعند الله التوفيق وصح ابدنك
|
ابن لبدة القحطاني ونعم من شرقها ال غربها ومن شمالها الى جنوبها صح لسانك و اعتلى شانك يالقرم لا هنت ولا هنان غاليك ومغليك •·.·`¯°·.·• بطــــــــــــــي •·.·°¯`·.·• تمنياتي لك بالتوفيق هنا وهناك دمت بوووووووووود ((* يـُ‘ـوٍـوٍمـُ‘ـآ‘ مُ‘ــآ‘ كـُ‘ـآ‘ٌن هـُ‘ـنـُ‘ــآ‘ .. إٌإٌإٌلـمُ‘ـيــت إُإُإُلـحُ‘ــي *)) |
صح ابدنك يالغالي وماعليك زود والله يحييك ويرفع شانك
|
مرحبا يابن لبده
صح لسانك ولاهنت يالذيب قصيده جزله وانت جزل اخوك سعود القحطاني |
صح بدنك ياسعود وماعليك زود
|
| الساعة الآن 03:43. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون