هل يوجد رجل وفي
 

بسم الله الرحمن الرحيم
لا اقصد اللفت بعنواني او اجتذاب اكبر عدد ممكن من القراء لكن سؤالي بسيط وغير معقد انا من جد احاااااول واحااااااول جاهده العثور على قصه سواء كانت بين زوجين او خطيبين او حبيبين يكون الرجل فيها مرادف لمعنى وفاء كل قصه سمعتها وانا هنا اتحدث عن قصص واقعيه حدثت في المجتمع اللي انا عايشه فيه السعودي يكون الرجل متلبس الغدر والخيانه والتساهل في مشاعر شريكته في كل قصه يجد الرجل مبرر لرحيله ويلقى باللوم على الدنيا ومشاكل الدنيا والله يسامح ابو الطيب اللي كتب ماكل مايتمناه المرء يدركه تجري الرياح بما لاتشتهي السفن
حط عذر للرجل تلقى الرجل اول مايفكر انه يترك الفتاة يقول ديباجته المعهوده والله ماادري شقول ؟؟؟؟؟؟؟!!!!!!!!!!! بجد انا مستحي من الكلام اللي بقوله بس والله غصب عني الدنيا تتغير وانا لازم اواكب التغير اللي يصير يعني مو معقوله كل شي حولي يتغير الا انا ابقى ثابت تدرين ياعمري (احيانا يقول ياحياتي واحيانا يقول يادنيتي يعني تختلف من شخص لاخر) والله انك راح تبقين احلى واروع واجمل شي عشته في حياتي
هو مايدري ان البنت في هذي اللحظه واقفه مشدو وتنتظر منه ضحكه طويله بعد مايقول صادوه بس تلااحظ ان الولد مسترسل ويكمل ويكمل وشوي يوقف يحاول يسمع شهقه او عتب بس البنت مكمله على موقفها وسااااااااااااااااااكته بعدين يقول والله انا بروح اكمل دراستي برى او والله هلي يبغون يزوجوني او اذا كان مره قوي بيقول انا ماعاد احس بالمشاعر اللي كنت اول احس فيها يعني انا صدق حبيتك فتره بس الحين ماعاد احس ان هذاك الرابط القوي اللي كان يجمعنا باقي راح مع اللي راح تدرين ياعمري او حياتي او إلخ إلخ دوام الحال من المحال :Copy (2) of 090::Copy (2) of 090::Copy (2) of 090:
انا والله اني ماتكلم بقصد الهجوم على الرجل وبس انا مريت بهذا الموقف ومروا فيه صديقاتي اقسم بالله بعضهم متزوجين وبكل بساطه يجيها يقول انا مليت انت تغيرتي عن ايام الخطبه صرتي مشغوله بالعيال ومشغوله بالبيت معاد صرتي معي زي اول انا ابغى اتزوج طيب العيال هذولا مو عيالك والبيت مو بيتك ليه انت اناني يقول طز بالبيت وطز بالعيال اهم شي انا وتلقاه اول مايلقى كلينكس طايح يصارخ بأعلى صوته هيييييييييييييييييييي وش ذا القرف هذا بيت ولا زباله ويومين الا وهو ماخذ عليها وحده ويقول بيتها وسخ يعني بيلقاله مخرج وعذر الطامه الكبرى اذا كان كبير وهي كبيره ياحرام قضوا عمر مع بعض واول ماتمرض يقول انا بصراحه كبير وابغى وحده تنتبه لي وهذي خلاص تقعد مع عيالها معززه مكرمه بس انا شايب ولازم اتزوج وحده تداريني وتحط بالها علي وشوي شوي حتى فواتير المستشفى مايدفعها
اما بالنسبه للبنات يعني هي تتحمل جزء من الخطأ لانها مفروض ماتحط نفسها في هالمكان بس اذا ربي اقرد عليها وصارت فيه ودخلت بكل عنف وكل حماس وحطت مشاعرها بين ايديه فلتتحمل النتيجه لانها بيجلس معها على حسب تفاوت العمر يعني اذا كان عمره22 بيجلس 5 سنين واذا كان عمره 28 يجلس معها شهرين بعدين يعطيها من الكلام اللي خبركم والله انا كبرت وهلي صاروا يزنون علي اني اتزوج ومدري شقولهم هي تبسم تحسب انها المعنيه بعدين تجيها الضربه المدويه بكره انشالله بروح مع ابوي وامي نخطب وحده شايفتها امي في عرس ولد بنت عمي وهي تصرخ ليه وانا ؟؟؟؟؟؟؟؟؟؟يعني انت كنت تتسلى بمشاعري يقول لا والله بس شسوي (تجري الرياح بما لاتشتهي السفن) لو بكيفي والله مااعرف الا انت بس الناس واهلي شيقولون اتزوج وحده عرفتها بالتليفون لااااااااااااااااااا صعبه مره
بالنهايه زي ماقال عبدالرحمن بن مساعد مابه لقا الافي خيالات القصص
انا ومن منبري هذا اناشد اي فتاه تكتب لي قصه واقعيه واشدد على واقعيه انتهت بلقاها معه
واناشد كل فتاه تكتب قصه حدثت لها وانتهت بنهايه مأساويه
ونحسب كم قصه انتهت (بماتشتهي السفن) وكم قصه انتهت بما لاتشتهي السفن

انا متأكده ان كل انسان فيه من كل شي شوي
واكيد زي مافيه رجل غدار فيه مرأه غداره لكن اللي انا اقصده ان الغدر وجوه وفي كل وجه تلقين الرجل متسيده انا مافيني عقده من الرجال ولاشي بس والله انا اشوف ان الرجال هم اسياد الغدر اتمنى ان يكون فيه رجل شاذ عنهم طبعا لكل قاعده شواذ واتمنى انو الرجال هذا يكون من نصيبي(انانيه) كيفي






شكرا اختي رشا عالمرور نورتي موضوعي

الاخت العزيزة نونا
صدقت في رميت الية واخطات حين جعلت الامر شاملا تحدثت بصفتك فتاة وقد مررت بتجربة انتهت بما لم تحبي
سارد عليك تساؤلك مع اني ويعلم الله اني ولله الحمد والمنة لم يكن لي اي سابقة مع اي فتاة
احببت نعم فانا في النهاية بشر ولكن لم اتجراء على التحدث معها او مع غيرها لماذا
هنا تكمن الاجابة على سؤالك وهي كالتالي
اولا لاني بداية احببتها فراقبتها فلم ارى منها الا ما يسر الخاطر
هنا صار الامر حبا فلو تقربت منها غازلتها واعيطتها من الكلام الذي تحب ان تسمعة ما يشبع رغبتها العاطفية هنا نصبح عشيقين يهوى كل من الاخر تمر الايام وقد ربما السنين يدق ناقوس الزمن وينفخ في ابواق الوقت اعلانا باني يجب ان اتزوج
هنا انت لست من اتمنى ان ارتبط بها فانت لاتصلحين ان تكوني زوجة لي واما لاطفالي وامينة سري وحافظة عرضي اذا تزجتك اكون في قلق لقد تعرفت علي وخرجت معي واختلت بي دون ان يكون لي بها اي صلة ربما تفعاها مع غيري وربما ترتكب الفاحشة فلم يعد لديها ما تخاف علية بعد ان تزوجتها
كل هذا يدور في خلد جميع الشباب بدون استثناء كما ان الشباب حين يجتمعون يذكر كل واحد منهم من هي حبيبتة وبنت من وتصل الى توزيع صورها ومع الجوالات الحديثة تصبح افلاما يجب على كل بنت قبل تقول لماذا تركني وهجرني ان تسال نفسها كيف سيقبل بي بعد ان عرف عني واقصد هنا بشكل شخصي كل ما يرغب بة
انا شاب اعترف ان اي شخص ياتي الى فتاه طالبا حبها متغزلا بجمالها ما هو الا ذئب في هيئة حمل
حمل لا تامنية انتي او اي فتاة اخرى لاتمكنية من معرفتك فانة سيملك بثواني هذا ان لم يكن لة مأرب اخرى
الامر يطول شرحة كما ان هنالك حبا حقيقيا ينتهي بالوفاء من الشاب و لكن لايتخللة خروج ودخول
للبنت مع الشاب
احببت ان ارد على تساؤلك على ما قبل الزواج بالتفصيل اما بعد الزواج فيجب ان تنظر الفتاة الى وضعها و شكلها في حضور الزوج ولامر يطول اعتذر على الاطالة ولكنها نقطة حساسة تعاني منها الفتيات احببت ان
اشارك في توضيح بعض جوانبها

اخوي يماني البنت لما تعطي الولد وجه مو معناتها انها ماتستاهل انها تؤتمن على بيته وعياله طيب هي مالها حق انها تحلم وتحب صدقني انو 98% من البنات تكون مخلصه ووفيه له وعلى الاقل هو بيتزوجها وهو عارفها بس يمكن انه يروح يتزوج وحده ماقد كلمها وقد كلمت غيره عشره


شكرا لمرورك نورت الموضوع

اخت العزيزة هاك اللة
ها انت قد رديت على تساؤلك بنفس حين قلتي

][®][^][®][يروح يتزوج وحده ماقد كلمها وقد كلمت غيره عشره][®][^][®][
من حق الفتاة ان تحب فهي رمز الحب و الحنان كام واخت وزوجة
ولكن هذا الذي يدعي انة احبك لاياتمنك ظنا منة اك ستتعرفين على غيرة كما تعرفت علية وتصبح هذة نقطة سوداء في قلبة تكدر عيشكما
لذالك يبحث عن فتاة لايعرف عنها شيئا كي يبعد الفكرة عن راسة
مع ان البنت قد تكون محبة لة ومخلصة لة وحد ولكن
لا تامن شابا يخطب ودك فأنة سيتزوج غيرك

98% من البنات اوفياء ؟؟؟

اعتقد ان النسبه مبالغ فيها بشكل مفرط

وانعدام الوفاء موجود بين الفئتين


شكرا لموضوعك

جزاك الله الف خير

تقبلي مروري

تقوى الهجر

الخيانه موجوده في الذكر والانثى
مشكور على هالموضوع وتقبل مروري