|
تشكـي لي الحال وإشكي له ..!
قصيـدهـ لشـاعر إماراتي .. أجهل أسمه .. أعجبتني .. وأتمنى تعجبـكم .. اللي عندهـ فكرهـ عن إسم الشاعر ياليت يتكـرم بأسمـه .. \ \ وش عاد ياداربها صار ( توطين ) و في مكتب التوظيف سوسن و ميسون ! مديرهم مدحت و نائبْته نسرين و على الرسبشن حمّص و فول و زيتون ! كل ما اتصلت اسمع ( الو مرحبا مين ؟ بدّك وظيفه ؟ .. مين دلّك على هون ؟ ) اقول انا لي اتصل صار شهرين و انتوا وعدتوني متى بس توفون اسمي ( مواطن ) ( جامعي ) طيب و زين كني ابخطب عندكم و اتّغلون ! عندي شهادة طايحه بجبدي سنين عشش عليها شي له ستة عيون !! لو للشهاده لسان قالت ( على وين ناوي توديني .. تلف فيني الكون ؟ ) من كثر ما صورتها غارق بدين للهندي راعي المطبعه صرت مديون لا ليلي ليل ولا نهاري نوى يبين دقيت راسي لين ما صرت مينون ! مطلوب خبره عالأقل في مجالين ولا ّ تجينا بواسطه و سير مدهون ! ولا انثبر في بيتك .. افرك بكفين يومك يشابه امسك و عيش مغبون تعدادنا ويّاهم اربع ملايين و اهل البلد للحين ما صاروا مليون !! ويلاه من باكر اذا وضعنا الحين و احنا اقل من الربع حالنا شجون ! و اللي ابتسم له حظه والله مسكين ! حصّل وظيفه .. بس في وين .. تدرون ؟ ساكن في راس الخيمه .. حطوه في العين !! و اللي سكن في الذيد .. في السلع مدفون !! يشوف اهله بس في الأسبوع يومين و اذا حسبتوا الدرب كم ساعه ... تبكون يعني في كل احواله ذاق الأمرين شغّال محزون و بلا شغل محزون و الأجنبي اللي راتبه فوق عشرين فله و سياره و تذاكر .. و طاعون عنده بدل كل شي عالراتب الفين حتى بدل معجون اسنان و صابون ! و من بعد ما يجمع من بلادي فلسين و يربّي م القعده على الكرسي بطون و يصير في بلاده غني و عنده برجين يرحل و هو جاحد .. و كم مثله ملعون ! و حتى الجماعه قوم مدحت و نسرين مردّهم لبلادهم لو يطولون يرضون بشوية دراهم .. و شفتين صبح و عصر .. لو حتى في الليل يرضون بس لو سمعتوا همسهم بينهم بين وسط القهاوي يلعنون و يسبون ! لا تحسبوني عنصري .. كلنا طين و الخِـل لو عاتب محبينه يمون داري و انا اولى بها من الغريبين ما يوصلون لحبها لو يموتون و ( الأقربون اولى ) .. كلام ٍ من الدين ما جبته من شعري مع الهام و ظنون ولد البلد ما يبغي لبلاده الشين بالروح بالدم يفتديها ولا يخون لكن سؤاله يوم قلتوا له ( توطين ) يا كيف بيد الغرب توظيفه يكون ؟؟!! شعارهم معروف ( راجعنا بعدين ) و باين من التأجيل .. انهم يخافون اذا معك خبرة .. يا اهلين و سهلين و اذا شهاده بس .. عن ّ ك يصدون ما عندنا شاغر .. و بطلنا تعيين ولو تحرق الهاتف ترى ما يردون ! من وين اجيب الخبره ؟ من وين من وين ؟ دام الوظيفه عند سوسن و ميسون ! عندي بمطبخ بيتنا خبره سنتين ! تنفع اذا صاروا المطاعم يوطنون ؟؟! ولاّ أهاجر و آخذ الخبرة في الصين ؟ صح العيون صغار .. لكن يقدْرون سؤال يا دار ٍ ..صراحه بترضين ؟ اني أسافر و اطلب الغرب لي عون ؟ و سؤال يا ناس ٍ على الراس و العين صدق الوظايف واسطه و سير مدهون ؟ اما الجواب الشافي يجيني الحين او هاتوا تأشيره .. اذا كنتوا ترضون ! وســلامتــكم ... |
اللي عندهـ فكرهـ عن إسم الشاعر؟
ما عندي فكره .. سؤال يا دار ٍ ..صراحه بترضين ؟ اني أسافر و اطلب الغرب لي عون ؟ احسن له ... يتغرب ويشتغل وبعد الخبره يرد ... يعني المتغربين مالهم بلد .. اهم نفس الحال.. والله يعطي كل واحد على كد نيته .... تسلم عالنقل ... لاهنت |
الحلوه مـره البيت هذا يقصد فيه أنه ليش أسافر برى وأشتغل ,, والوظائف في ديرتي مستولين عليها الأجانب .. هذا اللي فهمتـه أنــا .. تسلمي على طلتك على الموضوع .. شاكر تـواجدكـ |
تسلـــــــــــــــــــــمـ..ع النقــــل..وصح لساان قايلهــــاا وناقلهــــا..
ولقصيـــده اول مره اقراهاا..ماعندي فكرره عن كاتبهــــــــا... القصيـــــــــده..نقدر نقووول شبه حقيقـــــــه.. لانـــــــــه هدا اللي ســــاااير..بسـ.طبعاا مو للكـــــــل..الاكتريــــه يمكن. وتقبــــــــــــل مرورررريــ.. |
الـــــف شــــكر لــك عــلـى الكلمات
0 يــعـطــيـك الــعافــيـه 0 تحــــياتي |
رهوفه .. الله يسلمك يارب .. اكثر ما أعجبني في القصيده هو أنه يتكلم في الواقع اللي نعيشه .. ومثل ماقلتي الأكثريه مو الكــل .. مرورك اكثر من رائع .. أشكرك .. \ |
نواف الرياض العفو .. وانا اللي أشكرك على مرورك .. شــاكر تواجدك \ |
صح لسانك وتسلم على النقل الرائع
القصيده وصفت الحال وعندهم وعندنا خير |
صح بـدنك يالغـالي .. وفعـلاً أكثر شئ شدني في القصيدهـ هي قدرهـ الشاعر على وصف الحال شـاكر تواجدكـ \ |
روووووووووعه وصح لسانك يعطيك العافيه على هالقصيده الرائعه تقبل مروري |
| الساعة الآن 12:05. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون