منتديات روعة الكون - لاتصدك املك

تـسـأل هـم امـلـّك شـنـو الينمـل بيك
من روحـــي امـــل وآنـتـه ماتــنـمـل

يــارقـة غـزالـة وبـيـك گـلـب الـذيـب
يا أجـمـل حمامة وصگر من تـزعــل

ادلّـــل عـــليـة ومـنـي اخـذ شـتـريــد
يــغـمـرنــي الـفـرح لـو عـليّ تــدلــل

ادلّـــل عــلــيـة وحـيـل عـذب الـروح
بـيـه شـمـا تـريـد اتـسـوي آنـه اقبل

وانـتـه ابـعـيـد عني اقرب من الروح
ولـو ويـاي احـسـك كـلـشي بَي تحتل

احــتــار شـأجـاوب عـنـك يـسـئـلـون
اشـتـعـنـيـلـي اگـلهـم وانـتـه كـل بلكل

غريب انه بغيابك وادري بي لحظات
وانـه بلـحظات بُـعـدك انضنك وانسل

يـعنـي انته الـهـَوه ومـا اگـدر بـليـاك
ويعني انته النفََس لو ينگطع شَحمل

يـعنـي انته حـياتـي ومـنيتي ودنياي
ويعني آنه نهر وانته لي مجرة الماي

حبك صـاب فـكـري وشتت الحسبات
واصـبـح بَـلوة حبك وانته كل بلواي

بس تـدري شأفـكر خـاف بينة يصير
اخـاف انـتـه التملني وبَي تغير الراي

اخاف اتـمل حـناني ومن اديةاتروح
اخـاف تماشي غيري وينّسي ممشاي

وأشك وكلشي افكر چي اغار اعليك
بـگلـبـي افـكـاري تبقة ماتمر بشفاي

صَدگ لو امـلّـك يـعـنـي امـل الكـون
لأن بـالـكـون اشوفك وحـدك بـعيـنـاي