عندك جــوال ؟! وش نوعــه ؟ مواصفاته ؟ إيجابياته ؟ سلبياته ..( دعــوة للمشاركـة )
 

بسم الله الرحمن الرحيـم

الســـلام عليكــم ورحمــة الله وبركــاته ...

الأخوان والأخوات اعضاء منتدى روعه الكون الموقر .. تحية طيبة .. وبعد <<<< مايمديكم على الخطاب الرسمي طاحت رموشي وانا اكتبه من الحمــاس

هذا الله يطول لي بأعماركم ويجعلكم مباركين أينما كنتم ويصلحكم ويخفف كروشكم ويخليكم تتفاعلون مع موضــوعي ولا طقوا روسكم بالجدار واطلعوا برا <<<<< تبطي تصير ذوق إلى الأخير

بـــدون مقدمــات وفلسفة مال أمها سنع لا لشئ ألا انني املك اسلوب زي وجهي اللي يشوفه يقول تعبير ثاني ابتدائي عن العطلة الصيفية ... ذلك التعبير الذي اصبح عنوان وتراث لدولتنا الغالية قدس الله سرها

<<<< بالله وش تبي بالضبط !!!


خلاص اتوب يالله نبدا بالكلام الجدي...

كل واحد مننا اكيد عنده جوال <<< لاااااااا !!! قول والله عاد

وكل واحد طبعاً بين فترة وفترة يحب انه يغيّر نوع جوالة لأسبابه الخاصة وبغض النظر عن انه ياكل منكح كبر جبهته بالجهاز او يسلك معاه ....... والدنيا حظوظ (الله رمى حظي معاااك طمبق طمبق )

فكرتي ان كل عضو يعرض التالي :

-----------------------------------------------------------------------------------------------------------------------------------------------


1- اسم الشركة اللي تابع لها جهــاز الجوال اللي يستخدمــه

2- صورة إن أمكـــن ( اكيد يمكن يالله عاااد لحد يتحجج

3- اسم الموديل , أو رقمــه ..

4- مواصفــاته

5- مميــزاته من واقع تجربتك معــاه (الأشياء المحمسة لإقتناءه )

6- سلبياتــه من واقع تجربتك معاه ايضاً (مشاكل البطارية .. البطئ .. التعليق ... الثقل .. الشكل .. الخ )

7- سعره ..

8- هل تنصح بإقتناءه ؟؟ ولمــاذا ؟؟

9- هل تعض اصابع الندم على اقتناءه كونه منكح من احد المناكح التي تعرضت لها بحياتك

-----------------------------------------------------------------------------------------------------------------------------------------------


أرجـــو من الجميــع التفاعـــل

وســـلامتكم ..:mo13:

رح ابدا انا لتوضيح الفكــرة أكثر ...


1- اسم الشركة اللي تابع لها جهــاز الجوال اللي يستخدمــه
SonyEricsson


2- صورة إن أمكـــن ( اكيد يمكن يالله عاااد لحد يتحجج
http://i.idnes.cz/07/021/cl/KOR18ee5...sson_W880i.jpg



3- اسم الموديل , أو رقمــه ..
w880i


4- مواصفــاته
رشيق مثلي .. وكذلك عليه ذاكره بطرانه .. وغير هذا كله اللعبه اللى تجي معه رايقه <<< علمهم ليه أشتريته وفك عمرك ..!!


5- مميــزاته من واقع تجربتك معــاه (الأشياء المحمسة لإقتناءه )
أحطه بجيبي اليمين ودوره بجيبي اليسار مدري هذي ميزه زينه ولا بلا من صاحبه .. الذاكره كبيره 1 جيجا مع ان الجهاز رشيق مثلي .. فيه كاميرتين مع ان وجهي مايبيله الااا كاميرا وحده لأنه صغير .. وبعد وشو ياربي أيه صح زوجتي تبيني أجيب لها زيه واناا اقول لها معصي خلك على نوكيا مثل باقي العالم أما اناا فا أحب التميز <<< يازين من لمخك بمربوعه ..!!



6- سلبياتــه من واقع تجربتك معاه ايضاً (مشاكل البطارية .. البطئ .. التعليق ... الثقل .. الشكل .. الخ )
البطاريه تطول معي ثلاث ايام ولاهوب يعلق ومثل ماقلت لك اضيع وين احطه فيه من خفته اما الشكل فهو خطير (( برتقالي غامق )) يالبيه يالتكارنه .. يعني مافيه سلبيات للحين ..!!



7- سعره ..
يمكن هاللحين وصل لـ 1450



8- هل تنصح بإقتناءه ؟؟ ولمــاذا ؟؟
نعم بالفعل ليش لاء ، لماذا هذا سؤال أكيد لأنه معي ..!!



9- هل تعض اصابع الندم على اقتناءه كونه منكح من احد المناكح التي تعرضت لها بحياتك
أضع أصابع الندم على جهازن بألفين وأخرتهاا تجيه قطرت ندى ويخرب .. يعني موب قطرت ندى قطرت ندي الااا قولي مويه بمقدار مسبح ..!!