،،،،يابحر فيني من الحزن كثر مافيك،،،
 

يابحر .. فيني من الحزن .. كثر مافيك ..

من حزن .. وأوجاع .. وغياب .. وغرايب !!


لاتلومني إليا شفتني .. دايم أجيك ..

ولاشفتني دايم .. على الشط .. ذايب !!


حزني كبير .. أكبر من حدود .. شاطيك ..

وأقسى من جروح الزمان .. العطايب !!


وإن كان تنشدني فأنا .. مقدر أخفيك ..

دايم أظن .. ويطلع الظن .. خايب !!


في هالزمن .. أقرب حبايبك .. يشقيك ..

إلين تدفع في غلاه .. الضرايب !!


من بعد هذا .. يبتعد عنك .. ويجفيك ..


ماكنه .. بجنبك .. قضى الوقت .. طايب !!


وإلا .. الخوي اللي توقعت .. يفديك ..

يفديك بعمره .. لاغدت بك .. نشايب !!


صـد .. وتصـدد .. مايبي سامع .. طاريك ..

وياما .. أنت دونه .. أتعبتك .. الطلايب !!


لاتقول لي .. بدري .. وتوك .. ويمديك ..

وتعال .. وأسمع باقي الهرج .. صايب !!


خلك بحالك .. وأطـلب الرب .. يهديك ..

ولاتنشد اللي غاب .. وين أنت .. غايب !!



وإن شفتني غايب .. عن حدود .. شاطيك ..

أعرف تراني .. تحت ذيك .. النصايب !!



وأعرف تراني .. دايم إن ضقت .. بآجيك ..

لأني .. أنا والموج .. صرنا حبايب !!

يابحر.....

تسلميين عالقصيد الي مره روعه ....

تقبلي مروري

	البحر فيه من الحزن كثر ما فيني ****** لكنه يفيض هموومه بصوت اموااجه وانا هموومي داخل القلب تكويني ****** مالي رفيقً اشكيله اضيق واسباابه

يسلمو على القصيده الاكثر من راااائعه


وتقبلي مرووري

يسلمو ع المرور الحلوو

تحياتي لكم

ياغريب الحال ترا حالي غريب من بعد فرقاك توالت مصايب

بعيد ولكن بخطواتك قريب اشتكي روحي نبي نرجع حبايب

نفسي رميته ودربه اصبح ضريب مايزيد الشوق غير نبقى قرايب

ذليت ولكن ذلتي الا لحبيب اكلتها والذل والاهانه نسايب

سلمتي على القصيده وسلمت يداك بس لاتقطعينا قصيده جميله

يسلمووووو ياقلبي ع المرور

ميرسي

تسلم يالغالي مانحرم منك ومن مرورك الحلووو ياحلوو