منتديات روعة الكون

منتديات روعة الكون (http://roo3.net/vb/)
-   مــنــتــدى هــمــس الــقــوافــي (http://roo3.net/vb/f19.html)
-   -   شمعه وامل (http://roo3.net/vb/t61579.html)

عراقيه وافتخر 18-10-2007 09:37

شمعه وامل
 
مو غريبه الناس تفرح بعد كل ذاك الظلام
ولا غريبه عراقنه يطش المحبه***
ويعم عل الناس السلام
كافي من عهد الطغاة***بكل مكان كبور صارت
والارض شربوها دم
وذبحوا الضحكه على شفاف الطفوله***
ومنعوا الناس بغصب ما تبتسم
وظل شعبنه يكابر من الضيم***وبحسره وهضم
مره زرقاوي واسامه**ومره واعظ يحجي ايات وحكم
بس حقيقة هالبشر حقد وكره***
ابد ما عدهم ضمير وعاشوا بدنيه الوهم
وتدري بالتاريخ مليان بمصايب***كل احزان واْلم
بكل وكت عدنه خوارج**بكصته مرسومه العباده
وفكره مثل العكرب الينكط السم
كافي يا شعب العراق****
هبوا يا شعب النشامه وزرعوا ورده
ولا تخلون الغريب**يعبث ويزرع فتن
صيروا نارعل اليفجرون بوطنه
صيروا نار عل اليذبحون باهلنه
وابد لا ترضون ظالم يحكم بهذا الزمن
كافي ضوكونه العذاب**
وعيشوا الناس بمصايب بس محن
وهاي فرصه لكل شريف وعنده غيره
وكل محب لارض الوطن
واليحب ارض العراق**بكل وكت يعتلك شمعه
يضوي اركان الوطن**يضوي اركان الوطن

الإعلامية 18-10-2007 10:25

عراقيه و افتخر ...



يا من أخذتي من بحر الكلمات أصدقها

لتضعينها في هذه الصفحة المشرقة بحروفك



أقول لك :



سلمت يمناك يا مبدعتنا

عراقيه وافتخر 19-10-2007 02:08

الاعلاميه
شكرا لكي ولكلامك الرائع
نورتي الصفحه
وشكرا لمرورك العطر

الهايم2005 19-10-2007 02:33

عساها فاتحة برد وسلام وخاتمة وكاد ***** على دار السلام الله يروع من يروعها
حضارة سومر وبابل قبل تشريفة الميلاد **** عروق الرسل والعلم وهل الشعر وروايعها
هوا سيف الله المسلول يوم ان السيوف احداد***مساري سربة كان المثنى في طلايعها
عروس زفها المنصور والدنيا لها سجاد****ودلعها الرشيد الله عليها يوم دلعها
بدت بالسندس اللي يهوس الخلان والحساد***وكثر ما هزها التاريخ ما اهتزت روابعها
بكت خضر مرابعها بكت تنجب لنا الامجاد***بكت بيض صنايعها بكت سود وكايعها
ورى ما تستميت كلوبنا معها وهي بغداد****يكبر العار لو ما تستميت كلوبنا معها
عليها الله وامان الله بلاد الرافدين بلاد****هجت صوت القنابل جنب تهليلة جوامعها
دهاها من ورى الحملات ليل لو نقص يزداد***اهلنا في مدامعها واهلها في مطامعها
هل الحريه اللي لاكت اصحاب البيوت الركاد *** تفرك بينها مندوبة الهاون مضاجعها
هل الحريه اللي صاروا بعدها بنات الضاد**** ينوش المعتدي حشمة ملابسهن ويرفعها
هل الحريه اللي كصت اجنحة اكثر الاولاد****مادام ايدينها ما ترفع اثنين من اصابعها
تعودنا على حرق النسل والحرث والاصفاد****وتعودنا على نار يطفيها مولعها
يبس بكفوف اهلنا غصن زيتون وكم المعتاد****عناكيد الهدايا جاتنا من كف صانعها
عسى الكبل مثل صيحة ثمود ومثل صرصر عاد****عشان اهل البيوت الخاربه تبرى مواجعها
على وين المراكب سايره في حضرة الرواد***عساهم للدواير لين تدرجهم منابعها
مصير امصار واجيال وزمن وجموع بيد افراد****لها التاريخ بالمرصاد وان خانت ودايعها
محبتنا عداوه والكلوب كريبات بعاد****بعد ما نصنع الكذبه نصدكها ونتبعها
خذتنا العنتريات الله يبيح من ابن شداد****وضعنا بالخطب ليت الخطب نكدر نضيعها
تواعدنا مع الوحده وصرنا نخلف الميعاد****مذاهب وانظمه واحزاب من يكدر يجمعها
تصهين دمنا سن طايرين بحجة الاوغاد****وتصاغرنا مثل ما استصغرالكرسي مراجعها
واخيرا كم بكى طاغي وكم باغي وكم جلاد****وكم اصنام وكم اوهام نكدر نصارعها
وكم صوره تظن الروح والدم اغنيه وانشاد***وهي كل هناك يدوسها ولا يكطعها
ولعل الليله اللي جابت الكابوس ما تنعاد****وبسم الله على بغداد من شي يروعها



عراقيه
سلمم بناك وصح لسانك وهذا ردي بقصيدة ناصر القحطاني
واسال الله ان ينصر العراقين على اعدائهم
دمتي رمزا لمناصرة العراق
اتركك في حفظ الرحمن
الهااايم

عراقيه وافتخر 20-10-2007 02:35

الهايم
شكرا لك ولللكلمات الاكثر من رائعه
وشكرا لشاعرنا الرائع ناصر القحطاني
التي باتت كلماته تتناثر كللؤلؤ على متصفحي
وانا معجبه بهذه القصيده جدا
ومعجبه فيك اخي الهايم
دمت عربيا شريفا يناصر بلاد الرافدين
شكرا لمرورك
وتقبل احلى تحياتي

غزال العرب 20-10-2007 04:02

عساها ما تبخل الايادي
في صب المزيد المزيد من رائع الكلمات
واغناها معاني


تحياتي لكي يا غاليه

غزال العرب بنت الانبار

عراقيه وافتخر 20-10-2007 07:04

شكرا حبيبتي
غزال العراق
على مرورج الحلو
نورتويني


الساعة الآن 10:56.

Powered by vBulletin® Version 3.8.7
Copyright ©2000 - 2025, vBulletin Solutions, Inc.

منتديات روعة الكون