>.< طعنت نفسي بنفسي >.<
 

هنا أنتهت قصتي وانهدت أحلامي
هنا أبتدت سالفة حزني و حرماني

هنا توقف طموحي وضاعت أيامي
هنا انكسر خاطري واهتزت اركاني

طعنت نفسي بنفسي ومت قدامي
ياسي وقف لي على رجل وتحداني

أشحذ قصيدة رثا فزعه من إلهامي
أصيغ فيها خيانة نصفي الثاني

لو كنت ضيدان وإلا فيصل اليامي
لاسخر الشعر كله يرسم احزاني

همي ثقيل ٍ وحمله يتعب اقدامي
أحس كني على هالكون وحداني

يومه رماني رماني رميت الرامي
مخطا صوابه رصاصه صاب وارداني

أجهز على مابقابي وكسر اعظامي
عزر بروحي ومد إخطاه وانهاني

هنا سقيته دما قلبي وهو ضامي
هنا شرب دمي واقفى ولا اسقاني

هنا بقاياي تذرا الريح بحطامي
واللي ذكرني قوى ياحول ينساني

هنا عرفت الندم والظلم والآمي
واللي هدالي عيونه بيده اعماني

هنا امتطيت السفينه والقمر شامي
وخذاني الموج مدري وين وداني

رحله طويله ختمها جرحي الدامي
واللي قتلني علي صلا وعزاني !!

تسلـــــــــــــــمـ.. ع القصيدهـ..


روعهـ وكلماات اروعـــ...



يعطيــــــــك العاافيــهـ..


تحيـــــــــــــاااتي لكــ...