|
--}{ الله يلعن والدين العشق وش ذنب العشيق / مصافحه اولــى }{--
السلام عليكم ورحمة الله وبركاته مساكم الله بالخير والرضا يسعدني بل ويشرفني التحاقي معكم على هذا الركب الشامخ بكم واصافحكم بهذي المتواضعه علها تنال جزء بسيط من ذائقتكم العذبه شوف الخيال يشوقني واغفي ليا شفته وافيق .........// واشوف طيفك في الغيوم ان ناض لي برّاقها ترسم على كبد السما وجهك وجايٍ له بريـق .........// ليا ارزمت ثم ارعدت والنور مــع شعّاقها غرق الرياض من المطر والقلب في حبك غريق .........// والنّفس في الاسلام ياروحي حرام ازهاقها ادل دربي وان مشيته ضعت في نصف الطريق .........// تايه على مدّ النظر خطوات رجلـه ساقها واهيم كنّي لاأبو ، لاأم ، ولا عندي شقيق .........// مثل اليتيم اللي زمانه فرحته قـد باقها ياروح روحي ياملاك الغيد ابو قلبٍ رقيق .........// حرام عيني بالسهر عليك زدت ارهاقها الله يلعن والدين العشق وش ذنب العشيق .........// ولولا مخافت ربنا لعنت يـوم فراقها استغفر الله لاماهب من قلب يالحب العتيق .........// قلبٍ بعد فرقى حياته دنيته ما طاقها ملعون قلب ما عشق بنت لها مجد عريق .........// مجدٍ لبوها وجدّها ومزيونة باخلاقها ليا وصفته ما نصفته جل من صبّ الرحيق .........// بين البرد والجمر في فمها بدع خلاقها ( وبالـ... ) رمان الهدى كنه صديق مع صديق .........// اطفال يوم العيد تحضن بعضها باشواقها والعين عين اللي تعلّت فوق في قمّة طويق .........// والموت كنّه يشّر بكفيه وسط احداقهـا والعنق عنق الريم لامنّه مشى مشْية طليق .........// وجدايل تعكس لنور الشمس وقت اشراقها انا اشهد اني ما نصفته ليت وصفي له يليق .........// عطفه ولكن في زمان اليوم محدٍ ساقها وسلامت قلوبكم اخوكم بدر بن تركي ملاحظه :: حفاظاً على مشاعركم فضلنا عن عدم ذكر مافي القوسين |
صح لسانك
وتسلم يدينك ادل دربي وان مشيته ضعت في نصف الطريق .........// تايه على مدّ النظر خطوات رجلـه ساقها واهيم كنّي لاأبو ، لاأم ، ولا عندي شقيق .........// مثل اليتيم اللي زمانه فرحته قـد باقها كلمات روعه ..... وصح لسانك مره ثانيه تقبل مروري .... |
صح لسانك
اخوي قصيدة جزالله الله لا يهينك تقبل مرور اخوك ج ــرحي ع ــميق |
بعدي والله على القصيده جناااااان وروووووووووووووووووعه
والاروع توقيعك يابو عتيبه |
اقتباس:
يالاخ العزيز اسير عيونك حياك الله يالقرم صح بدنك ولا هنت على حضورك الكريم تشرفت بتواجدك طال عمرك الف شكر لك ولا عدمتك لك أعـــذب التحـــايا |
اقتباس:
الاخ العزيز جرحي عميق حياك الله يالقرم صح بدنك ولا هنت على حضورك الكريم شرفني تواجدك يا بعدي الف شكر لك ولا عدمتك لك أعـــذب التحـــايا |
اقتباس:
الاخت العزيزة ملكة بتواضعي حياك الله وبقاك الروعه عيونك شرفني تواجدك وطراءك العذب الف شكر لك ولا عدمتك لك أعـــذب التحـــايا |
ملعون قلب ما عشق بنت لها مجد عريق .........// مجدٍ لبوها وجدّها ومزيونة باخلاقها البيت هذا عن قصيدة كاملة واعجبني توصيفك لما بين القوسين خطيرررررررررررررر صح الله لسانك يالعتيبي وابدعت بهالمصافحة الأولى اذا هذي المصافحة اجل وشلون حب الخشوم ه أخوك / دنجوان |
ملعون قلب ما عشق بنت لها مجد عريق
.........// مجدٍ لبوها وجدّها ومزيونة باخلاقها وضح النقى00 من جد روووووووووووووعه يالغلا00 يعطيك العافيه00 ومن ابداع الى ابداااااااااااااااااااااااع000 |
اقتباس:
ه حياك الله اخوي دنجوان استر على ما واجهت صح بدنك ولا هنت على حضورك الكريم تشرفت بتواجدك يالقرم الف شكر لك ولا عدمتك لك أعـــذب التحـــايا |
| الساعة الآن 01:16. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
منتديات روعة الكون