منتديات روعة الكون - شعر: يوسف الثنيان يشكي لسامي الجابر

هذي القصيده لي الشاعر سيف الزعيم..

حبيت انقلها لكم لانها عجبتني ....

يوسف الثنيان يقول لــــسامي الجابر

يا ذيب انا راحل على غير رجعـة 0000 واوصيك انا ياذيب تاخـذ مكانـي

بيتر قتلني لجـل يرضـون ربعـه 0000 و ربع لنا ياسـام تبغـى هوانـي

اللي شمت واللي بخل لـي بنفعـه 0000 واللي تجاهلني وسكت ثم نسانـي

قالوا: أبو طبع جنى ذنـب طبعـه 0000 وانا من طبوعي الذهب ماعصانـي

كم كاس استعصى على الغير رفعه 0000 وجيت انا واصبحت فارس زماني

كم من هدف احسنت للغير صنعـه 0000 وكم حـارس استسلـم لعنفوانـي

حتى الظهير اللي بذل كل وسعـه 0000 أصبح يهز الوسط ((ياليل دانـي))

خمسة عشر ماكان لـه أي سمعـة 0000 والحين رقمي صار الاول وثانـي

لجل الوطن لعبت ببـره وجرعـه 0000 تسكـن آلآم الوجـع فـي كيانـي

و جيت انتظر تكريم حصلت صفعة 0000 هدت طموحات الفـرح والتهانـي

والحين انا راحل على غير رجعه 0000 واخشى عليك انك تضيـع بثوانـي

مادام بيتر في يـده عـود شمعـه 0000 لاتحرقك نـار الحسـد والامانـي

سامي الجابر يرد على يوسف الثنيان :

بعض العرب لاغاب بنقول :قلعـة 000 بس النمر لاغاب شفنـا الهوانـي

يا روح الازرق كيف ترحل بسرعه 000 ابقى على شان الهـلال وعشانـي

كل علـى فرقـاك بيهـل دمعـه 0000 وأنـا علـى فرقـاك كـل بكانـي

لا يارفيق الـدرب ماهـي بسنعـه 0000 ترحل لجل بيتر وفـلان وفلانـي

ياللي جعلت اللعب موضه وصرعه 0000 ياللي بك الكـوره تغنـي أغانـي

ياللي لك الجمهور عاشـق بطبعـه 0000 ياللي عليك اعلامنا صـار جانـي

ماقـدروا تاريـخ حافـل بنصعـه 0000 ماقـدروا هـذا التعـب والتفانـي

آعز رقمـك كنـه الرقـم تسعـه 0000 و امضي معك عام يمـر بثوانـي

دمك خفيف والثقـل فيـك صنعـه 0000 والفلسفه دكتورها اللـي عطانـي

ترفع لي الكوره ولاهـي برفعـه 0000 وتقبل علي تطلب دفـاي وحنانـي

تمريرتك كنهاهـدف بـس لسعـه 0000 آحطها فـي القـول وآنـا مكانـي

أرجوك لاترحل على غير رجعـه 0000 حتى لو انك نلـت كـل الامانـي

خل القهر والظلـم تعطيـك دفعـه 0000 وترجع مثل اول تذل (الحصانـي)

تحيااتي :

نــوافـوهـ ..يؤيؤ قصدي نـوافـ