وش يصبرني على هالليل الطويل <<>> وفكري بخلي دوم مشغول

وهمومي كثرت وانا فيها احط واشيل <<>> ياليل تفكيري تعدى جبال وسهول

اسهر وتالي الليل تسمع لي عويل <<>> وقلبي ضاق وعقلي من التفكير مشلول

يامن يلوم اللي فقد له خليل <<>> ماحس بضيقة الكون بالعرض والطول

ولاعاش في حياته حزين وذليل <<>> ولا دارت عليه في يوم كل الفصول

لاوقف قلبه وجاتك دموعه تسيل <<>> يمرض ويتعب وجروحه ابد ماتزول

ياليل وش آخر تفاصيل هالحزن ياليل <<>> من كل صوب تجي احزاني سيول

وهمومي كثر العيون اللي شافت النيل <<>> واكثر من اللي قلت واللي بعد بأقول