منتديات روعة الكون

منتديات روعة الكون (http://roo3.net/vb/)
-   مــنــتــدى هــمــس الــقــوافــي (http://roo3.net/vb/f19.html)
-   -   اول مشاركاتي (http://roo3.net/vb/t6561.html)

ولد روق 03-06-2007 06:32

اول مشاركاتي
 

أول مشاركاتي حبيت تكون قصــيدهـ

لك مدةٍ ماعاد تنشد عـن الحـال
------------------- مدري تغلي ولا لا يوجد ارسـال
مدري تكبر او صدر مني الشيـن
--------------------- لاكن تراني خابر الزيـن مـازال
ياصاحبي بيني و بينـك مواثيـق
-------------------- لايمكن الرجـال ينسـاه رجـال
دام الوفا مابين الأضلاع مدفـون
-------------------- فأنا الوفي الـي يوفّـي بلأقـوال
انا الـذي للخيـر شبّـاب نـاره
------------------وانا الذي للطيب يضرب له امثال
وقت المواقف ينتخونـي جماعـه
--------------------- وانا على كـل المواقيـف خيـال
ماني بمن ينكر اصـول النشامـه
------------------- وماني بمن كذب رفيقه ليـا قـال
ولاني من الي يطرد الضيف لاجاه
------------------- الضيف يكرم وسط دله وفنجـال
ما ادعي اني انـا كامـل الزيـن
------------------- لاشك انا عبـد(ن) ولله الأكمـال
انا احمد الله لـي مكانـه رفيعـه
------------------- مابين ربعي والقبايـل والأجيـال
ولا انت لا صاحب اماره ولا شيخ
------------------------ يومـك تكبـر والتكبـر للأنـذال
يومك تـدّور غلطتـن فالرياجيـل
------------------- ماعلموك اهل الوفا كيف الأفعـال
حط للتواضع في حياتك عناويـن
------------------- وامسح عناوين التكبر مـن البـال
هذا و انا الرحال بيـن القصايـد
-------------------- ابدع جزيل القاف في كل الأحوال


وسلامـتكم

!! روعتي بكلمتي!! 03-06-2007 09:31

صح السااااااانك اخوي ومشكور على المرور الجميل

في انتظار الجديد من ابداعاتك

تقبل مني مرور

مع تحياتي اختك

نوف

سعود اليامي 03-06-2007 09:52

ونعم في عيال روق وصبيان عتيبه وقصيده جزله من راس جزل صح الله لسانك



تقبل مروووري

الملاك الحزين 03-06-2007 11:48

بسم الله الرحمن الرحيم
السلام عليكم ورحمة الله وبركاته

روووووووووووووعه

مشكوووووووووور يالغالي

ونتمنى الاستمرار بهاذا الابداع

ولد روق 06-06-2007 05:20

صح الله قلبك يا نوف

والله لا يحرمنا من طلتك

ولد روق 06-06-2007 05:22

ماعليك زود يا صبي يام

وصح الله قلبك يا الغالي

ولاهنت على المرور

ولد روق 06-06-2007 05:23

الملاك الحزين

الروعه والله مرورك

وصح الله قلبك


الساعة الآن 11:55.

Powered by vBulletin® Version 3.8.7
Copyright ©2000 - 2025, vBulletin Solutions, Inc.

منتديات روعة الكون