منتديات روعة الكون

من عقب الوداع لنا على المنتدى رجعه
نحكي الي صار ونشوف كل واحد و رده
بهالمنتدى كتبت كل مابخاطري لجله
وهالحين بكتب انا واعيد الكره
وبأنقش الالم الي بقلبي على الصفحه
وكل من قرى الموضوع امانه لا يحرمنا من رده

~~ شروق الشمس~~

[img]http://www.up07.com/up7/uploads/c90bcc8ec9.jpg[/img]

أحبــــــــــــــــــــــــــــــــــــــــك
أول كلمه قالها
اسكتت والحيره بعيونها
قالت له وشو عيدها؟؟
قال لجلك صار اسمي مجنونها
خافت تجرح مشاعره بردها
وقالت بعطيه فرصه دام كلمته ارتاح قلبي لها

*******

ومع الأيام حبته وتعدت في الحب حدودها
وصار كل من شافه قال هذا هو محبوبها
اذا اسكتت تفضح السكوت عيونها
وان تكلمت تاه الحكي بشفاتها
وصارت تبني عليه كل أحلامها
غرها كثر الوعود الي وعدها
أعطته من بحر الوفا وزادت في عطاها
وأهدته ورود الحب مجموع في باقة اخلاصها
نست الكبرياء ولعيونه أعلنت له خضوعها
وفي حبها كانت تمر السنين ياقصرها

********

تحبه حيل وتعشق حروف اسمه
صحيح ان حروف اللغه ثمان وعشرين
بس هي ماتعرف غير أربعه

**********

لو في يوم يزعل تعاتب نفسها
تراضيه حتى لو ماكان السبب ذنبها
تحبه حيل وصادقه معه في احساسها
ولو يوم تزعل يتركها ترضى لحالها
والنهايه باختصار كان الهجر جزاتها

********

في غيابه غرقت جفن العين بدموعها
والضحكه ماتت بشفاتها
والشوق لعيونك هز قلبها
وبرواز صورتك كل ثانيه قدامها
تعاتبه وتعانق الصوره وتبوسهاااااا

~~ انتصاف الشمس~~

[img][url=http://www.up07.com/up7]http://www.up07.com/up7/uploads/9181fc0b89.jpg[/url[/img]

حبيبي تعال واحكيلي وش الي بيننا صار؟؟!!
وشو الي صلحته ويستاهل جفاك
ليه تغيب وتنساني
وليه عقب ما نسيت فكرت تحب ثاني
ترى أهون علي تنسى ولا تقتلني وتخون وتحب ثاني
حبيبي اذا عندك دليل ضدي واجهني
تراك بهروبك تأكد ظنوني

*********

حبيبي اذا اعجازك يكون بمية حب بالعام
فانا اعجازي حب واحد بمية عام
بحور غدرك عفت السفر انا فيها
واليوم بنزل شراعي وأرسي بموانيها
F_N_K وكثييييير غيرها
هي حروف وأبلشتنا فيها
ترسم لنا أحلام كذابه وتجبرنا نعيش معك فيها
اذا شايف بسهوله تتلاعب انت فينا
وتعرف ان الضعف أقوى ما طلع بيدينا
ترى لنا رب يسمع دعاوينا
عساك تعيش الحياه بس ماتهتني فيها
وعسى الحلم الي رسمته تتوه بصفحاته مثل ماصار فينا

********

حبيبي لو أعد غلطاتك والله ما أوفيها
وفي عد كذباتك أغلط أنا فيها
ياما شفت الخيانه بعيوني وأرجع وأقول لا حبيبي ما يسويها
بس توصل فيك المواصيل تفكر تقهرني وتنقش على الصوره اسمك وحروف اساميها
صدقني ساعتها أدوس على قلبي وعليك وعلى الدنيا بما فيها

*******

يلعن أبو قلبك القاسي ويلعن الحياه الي انت فيها
غيرك بكره يجي ويضمد الجرح وينسيني الي من ذكراك بقى
ويلبسني بيدي الدبله وأنقش انا حروف اسمه عليها
وبيني وبينك ترى احنا الحين فيها
ساعتها أبنساك وأبتسم لو في يوم تمر ذكراك
وأوعدك أحقق معه أحلامي الي وعدتني فيها
صحيح الحلم ناقص انت الخاين البطل مو فيها
بس فيه غيرك يستاهل دور البطوله بكل مافيها

********

أوعدك الزفه بتبقى مثل ماهي والفستان والشرعه
والولد لو رزقني فيه ربك بنفس الاسم الي اخترته بسميه
وكل أحلامي لوحدي بقدر أحققهااااا

~~ غروب الشمس~~

[img]http://www.up07.com/up7/uploads/3ad0e1aaa5.jpg[/img]

ماهو خطاك يوم تبتعدوتصد
ماهو خطاك يوم تبيع الي يحب
ماهو خطاك يوم تجازي الوصل بالهجر
ماهو خطاك لا وربي ماهو خطاك

********

غلطتي اني زرعت البذور بأعماق الصحاري
مادريت ان البذور من دون ماي ماتصنع ظلالي

غلطتي اني ركبت السفينه ولا فتحت شراعي
مادريت ان السفينه بلا شراع ما تحركها الرياحي

غلطتي اني استدليت بالسحابه علامه لمكاني
مادريت ان السحاب في السما متحركاتي

غلطتي اني بنيت السعاده على أوهامي
مادريت ان الوهم مثل السراب نشوفه بس له مانقدر نطالي

غلطتي اني عشت الحياه بأحلامي
مادريت ان الحلم تحقيقه شي استحالي

غلطتي اني حبيتك انت وأهديتك زهرة أيامي
مادريت انك بتقطف من الزهره الورق وبترد لي عودها والاشواكي

~~ ظلام الليل ~~

[img][url=http://www.up07.com/up7]http://www.up07.com/up7/uploads/efacf6dfb2.jpg[/url[/img]

دام الهجر بيننا طال
والبعد صار أنسب حلولك
والخيانه صارت للوفا أعظم ردودك
خلاااااااااااااص روح وخل ينفعك صدودك

*******

لاكن أنا ما بعتبر صدودك
وبذكر الي كان بيننا من حلو الايام
وبأعتبر ان الموت هو الي خذاك مني
ترى أهون علي من اني أشوفك مع غيري وتاخذك مني

*******

بكتب حزني عالورق وبرثيك بأشعار
وببكيك كل ما يطري على البال طاريك
طاريك الي مايغيب عني ثواني

بذكر ضحكتك ودمعتك

بذكر صوتك وهمسك

بذكر حنانك ودفى حضنك

بذكر طيبتك وزين أصلك

بذكر شموخك وكبرياءك

بذكر كلمة أحبك بصوتك

بذكر نظرة عيونك

بذكرك وأذكرك وأبكيك

********

بذكرك وأذكرك وأبكيك
وأتمناك لو ترجع تناديني وألبيك
وأتمنى لو يديني تحضن يدينك
وأضم وأقول أموووووووت أنا فيك

**********

أتمنى لو ياخذني معك الي خذاك لدياره
وأبقى معك الدهر وأيامه
انت كنت لي مثل الروح للجسدما يعيش من دونه
ترى الجسد عقب الروح ياروحي يموت ويختفي لونه
ويتفتت من القهر ولا يبقى له بهالدنيا أثر

*********

بذكرك والذكرى أكبر ما طلع بيديه
والي خذاه الموت ما يرجع ولو كثرت دموع من يبكونه

تحياتي للي خذوا الروح مني
والي دخلوا الموضوع ويقرونه
أتمنى يعجبكم كلامي
واذا فيه قصور حاولوا في ردكم تكملونه

EKMALND
اسم نقشت على الرمل أنا حروفه وقوة اعصارك فكت رموزه