منتديات روعة الكون - بيّن حمار اخدودها من خجلها

عقب البطا ياشوق توك تجيني

--------------دنياك راحت ياحبيبي بهلها

حبل الوصل مقطوع بينك وبيني

------------ياصاحبي خل النفوس بزعلها

يامطرفٍ بيديك عينك وعيني

--------------ماعادعندي طاقةٍ تحتملها

جف الغلا لوكان قلبك يبيني

------------لهفة خفوقي طول بعدك قتلها

وانا عزيز النفس ما ني دويني

------------والدانيه ياهيه ماني من هلها

لقيت انا يابنت من تحتويني

-------------الي قْبَلت قلبي وقلبي قبلها

مزيونةٍ فيها القصايد تزيني

----------عقب التوجد قمت اهيجن غزلها

نوبٍ على المسحوب ونوبٍ هجيني

----------بعيونها الخدرات غصب ارتجلها

خشفٍ ليا مديت راحت يميني

-----------بيّن حمار اخدودها من خجلها

اليا ابعدت قام يتزايد حنيني

------------وان قرّبت كل العباد اعتزلها

ابشرك ياهيه زانت اسنيني

------------ربك يجازي كل نفس بعملها

حتى لو انك جبت عذرٍسميني

----------غلطان من قال القلوب يغسلها

الشاعر موسى المشعان