انا وجدي والزمن طويل
 

عندما كنت في سن المراهقه اذكر ان جدي رحمة الله عليه جاء من الديره ليقيم عندنا بالبيت,,,لانه كان يراجع المستشفى وكان لايوجد لديهم حينها مشفى في المكان الذي يعيش فيه,,,فخصصنا له ملحق الضيوف بالكامل عشان ياخذ راحته,,,الحاصل كنت في وقتها في بدايات المراهقه وكنت اكثر وقتي هايت برا خخخ وفي الليل مافيه الا قوة سهر الييييين قبل الفجر بشوي,,,ودايم اذا جيت راجع البيت اتسلل عن طريق ملحق الضيوف عشان مايشوفني ابوي ويتمردغ في بطني وظهري خخخخخخخخخخخخ,,,المهم بعد فترة لاحظت حاجه غريبه اول مره الاحظها!!!وكانت في فرش الملحق(وكان الموكيت والسجاد من النوع اللي له غزل وصوف كثيف) تدرون وش لاحظت!؟,, ان معظم السجاد والموكيت اللي بالملحق شعره منفوش ومنكوش على شكل بقع وبطريقه غريبه كأنها شكل قنفذ خخخخخ,,بصراحه استغربت الموضوع بس لاني كنت مستعجل وخايف لايشوفني الوالد رحت ونمت على طول ويوم صحيت رحت للملحق الا كل شي طبيعي!!! قلت هااااه ياولد!!! يمكن كان فيك نوم ويتراوالك,,,الا في اليوم الثاني نفس السافه!!!في الليل السجاد منفووووش وفي النهار الوضع طبيعي!!لين جا مره وقلت انا لازم اعرف وش القصه وخصوصا انه حنا مانربي ببيتنا قطاوه خخخخخ تدرون عاد وش طلع منه السبب؟ ,,,المهم ذيك الليله رجعت البيت بدري مرررره وتكيت بالملحق,, شوي الا وذاك الصوت(شييط شيييط شيييط شييييط)طالع من احد غرف الملحق ويتجه الى(الله يعزكم)دورات المياه ,, الا والله هاذا جدي!!ونصف غزووول السجاد والموكيت ناشبه بعراقيب رجوله ه,,,لان رجوله الله يرحمه كانت انواع الصدوع والتشققات وكان لما يمشي رجوله تعظ بالفرشه ه يعني بالعربي عكرة الضب انعم من رجله بمراحل اي,,,ومن بكره رحت واشتريت له 6شرابات لكل رجل ويالله بعد ماسلمت لارجوله ولا الفرشه ,,,اسف على الاطاله وانشالله تكون اعجبتكم السالفه؟

يسلموووووو أخوي أبو الطواري
موقف من جد يضحك
تقبل مروري

دينجر يسلمووووووووووووووووووو ياعسل على المرور واهم شي اني ضحكتك شوي,,,مشكوووووووور على المداخله ولاتقاطع ياغالي,,,,,,,

ه
يسلممممممممممممممممممممممممممممممممووواخوي

http://www.roo3.net/up/uploads/96316d9957.gif

ه

يلا الموهم عرفت السبب ولقيت حل للمشكله

خخخخخخخخخخخخ

http://www.roo3.net/up/uploads/042fcd36c8.gif

قلبي يحبه ه تصدق عاااد الله يرحمه ماعاد قدرنا نطلع الشرابات من رجوله بعد كذا خخخخخخخخخخ ,,, مشكوووووووووور ياعسل على المرور ولاتقاطع ياغالي

ه

بنت دادي ولكمووووووووووووووو الله يخليك لنا ويخلي لك دادي ,,, مشكووووووووووووره ياعسل على المرور ولاتقاطعين ياغاليه ,,,,,,,,,,