...لا تحسبيــــــــن.. العرس..
 

لاتحسبين العرس توفـي وكتكـات
ولا تحسبينه توكـس والا باونتـي

ولا تحسبين العرس كيكة وتورتات
وصلة قطعتيهـا ووصلـة أكلتـي

ولاتحسبين العرس تصفيق واصوات
وانتي على صوت الغطاريف همتي

ولاتحسبين العرس كوشة ولمبـات
وانتي كما الطاووس فيها جلستـي

ولاتحسبين العرس احلام في الشات
يامـا بنيتيهـا ويامـا هدمـتـي

ولا تحسبين العرس روحة وجيـات
هيا اقضبي بيتك عسى مانهبلتـي

ليلة سعيدة وانتي أحلى الجميـلات
تشخص عيون الناس اذا حضرتـي

(واللاينر) حطيـه بـلا زيــادات
لا يخـرب المكيـاج اذا دمعـتـي

(والمسكرة) تحتاج لطف ومـدارات
حتى يبـان الزيـن اذا غمضتـي

(والاسبريه ) رشيه حتى البصيـلات
يمسك شعرك زين ولو كان زدتـي

وترى(المحدد) فن يحتاج رسمـات
يبان رسمـه زيـن اذا ابتسمتـي

ترا العرس يابنية ماهو شعـارات
تفنـى مراسيمـه وتبقيـن انتـي

ويبقى شريك العمر راعي الطويلات
هذا هو العرس الحقيقي عرفتـي؟

اول نصيحة لـك حفـظ الصلـوات
صلي العشا والفجر في كل وقتـي

وفي ليلة العرس الموفق وبالـذات
ادعـي الكريـم الله اذاسجـدتـي

والعاري لاترضين عند الكوفيـرات
ولبسك يملـي العيـن اذا لبستـي

واللي على زوجك تحرضك مـرات
ارجوك شوتيهـا شوتـت بلنتـي

والصبر في العشرة حتى على فتات
ياماحلا فعلتـك يومـك صبرتـي

واذا حفظت السـر مـع المـدارات
زوجك ترى في عيونه انت كبـرتِ

والسوق يعني هاه وقت الضرورات
والاتـرى زوجـك يـدور لمفتـي

زيدي الغطاية وكثري في العبايـات
والله يرضـى عنـك اذا ستـرتـي

اوصيك بالكبسة وكثـر اليدامـات
حتى لوانك مـن سببهـا متنتـي

وخلي الرجيم اللي فشل في مـرات
سويـه مـرة واحـدة لا ولدتـي

اوراق شاعره ترسل ازكى التحيات
خصيهـا بالدعـوة اذا دعـوتـي


هدية للقسم من ايميلي الخاص..

صح لسانك

حلوووووووووووووووووووووووووووووة
يسلموووووووووووووووووووووووووووو

حبيبتي


يعطيك العافية

قمورة حبيبتي مرورك الأروع

يسعد لي صباحك..

صح لساااااانك
دكتوره
تقبلي
مروري

مشكوره خيتووو وصح اللسانك

صح لسااانج

مررررة حلووو

يعطيج العافية حبيبتي