منتديات روعة الكون - ((( يابنت وش بك صايره ماتحنين )) مصافحه اولى

يابنت وش بك صايـره ماتحنيـن=وحبك تردّى صاير اليـوم عـادي
من عقب ماكنتي تصول وتجولين=صرتي بليا أشواق لونك رمـادي
متباعده بالوصل وأنتـي تناسيـن=كنك معـي تمشيـن بليـا ودادي
راح الغلا اللي بالضمايـر تكنيـن=وراحت سوالـف ودنـا للبعـادي
ودرب المجامل سالكه كان تدريـن=وقلبك بـروده زاد فيـه أزيـادي
والحين كني أطلبك باقـي الديـن=أصبحت أنا اللي أطلبك برتـدادي
غايب عن عيونك كلام المحبيـن=وقولك جفافه مكتسيـه السـوادي
وصدك بدالي واضـح ٍ بالعناويـن=تلولح بهجرك في كلامـك تمـادي
خليت العشـره وصرتـي تمليـن=وأصبح صعيب الوصل والبعد بادي
يعني كذا من دون أيـة براهيـن=حان الوداع وجاك صوت المنادي
لترك المحبه وأفتراق العشيريـن=يعني بوادي صرت وأنتي بـوادي
هانت بعينك عشرتي كلهـا شيـن=وهانت محبتنـا وهـذا الوكـادي
محـد ٍ يـدوم ألا ألآه الشياطيـن=الدايم بوجهـه بمـوت العبـادي
اللي خلق آدم بيـده مـن الطيـن=يمه أكز إشكاي وعليه أعتمـادي
وصلاة ربي عداد من قالو آميـن=عى نبي الخيـر صلاتـي تنـادي