منتديات روعة الكون - فـيـنـي صـدوق الحــب

السلام عليكم ورحمة الله وبركاته

احببت ان تكون متواضعتي هي اول مصافحة لي في هذا المنتدى الرائع

املا ان تنال اعجابكم

هاتوا لي الدله وبن ٍ ومحماس = وشبوا لي اللي انخلق منّها إبليس
وطفوا الإضاءه واتركوا ضوا نواس = وخلوا لي التلفاز يادووب تهميس
ابي اكتب الإحساس بدفتر وكراس = ابي اكتب اللي داخلي بالقراطيس
ياصاحبي حبك على العين والراس = يسري بعروق القلب دونه متاريس
انت الوحيد اللي نتمناه بالناس = من الأطلسي لحدود لندن وباريس
حبك سقيته صادق الود بالكاس = منزهٍ من كل زيفً وتدليس
حبك وضعته داخل القلب له ساس = متمركزٍ لو.... جوه كل المتاعيس
اسمك كتبته صاحبي دون قرطاس = اسمك سرى بالقلب وكل الاحاسيس
بغيبتك فيني من البعد وسواس = ولاجيتني تروح كل الوساويس
فيني صدوق الحب واضح بالانفاس = يشبه غلاة المال للي مفاليس
فيكم تناقض يحمل اللين والباس = فيكم شموخٍ ينذكر بالسناعيس
بنت الذي بالمعركه فوق الافراس = نعمٍ باهيلك كلهم صدق فرّيس
فيك الحلا والملح منثور بقياس = ماخذ شهاده وناجحٍ بالمقاييس
وخدودك اللي كنها ورد حساس = يهوى الندى لياهب فيه النسانيس
والمبسم اللي بالوصف لمعة الماس = تقول خاتم لابسينه معاريس
والعين سودا كنها عين قرناس = والجسم حسنه واضح ٍ بالتضاريس
وبالصدر فيه اثنين ياهوووه جلاس = تقول بيض ٍ للاحرار القرانيس
ليا شفتها يزول همي والانعاس = لياشفتها اعلام فكري مناكيس
واتخيلك ليا رحت حفلات واعراس = مثل المها لياصار بين الجواميس
ماشفت حسنك في مزايين تكساس = ولا شفت حسنك في جميع المجاليس
لا يابعد بنات عجرم و.. سوّاس = لا يابعد هيفاء وحصه وكاريس
لو هو بكيفي كان حطيت حراس = عشرين الف ٍ يالغضي لك حواريس
شفت اش كثر الزير يغريه جساس = ويقول قتله ما يجيب النواميس
يقول هذا ما يجي نعول قرناس = قصده يخلي عيشته كالمحابيس
هذا تحدي واضح ٍ ما به دلاس = يترك غريمه لوتجيه الكوابيس
حب الاخوه فيه لليوم نبراس = حب الاخوه واضح ٍ للجواسيس
وشفت اش كثر القبس تجليه الاشماس = هذاك همي وطلتك لي تشميس
والورد يبغى لطلعته زين مغراس = وانا غرستك داخلي دون تدريس
وختامها بقول ما بين الاقواس = (حبك) بصدري مدبس ٍ خوووش تدبيس
(مانع) يناديكم ويضرب بالاخماس = كانك تبيني صدق عطني تكابيس
تعاللي ارجوك لحضني والانفاس = وخل الذي يغريك خلف الكواليس

وسلامتكم جميع بس خساره لو فيه تنسيق قصيده كان زين

اخوكم / مانع الرويلي