|
اللي عمرها وصل (30) تدخل
السلام عليكم ورحمة الله وبركاته بصراحة بالغة وبدووووون مقدمات كثيره الموضوع يشغلني كثير من فترة فاحببت ان اسرككم في الرأي..... الموضوع وما فيه هو (تأخر الزواج) ان صح التعبير.. اختي الغاليه... كم عمرك الان؟؟ كم اللي تقدمو لك ورفضتي؟؟ كم مره حاولتي تعدلين في قائمة المواصفات والشروط اللي تبينها؟؟ كم مره ندمتي على واحد رفضتيه؟؟ كم وحده من صديقاتك تزوجت وخلفت وانتي تنتظرين من يلبي قائمة شروطك؟؟ من المتسبب الفعلي في تاخر زواجك؟؟ هل فعلا تحلمين بزوج تعيشين معه الحب والدفئ والحنان؟ او علشان ما يقولون عانس؟؟ والله الاسئلة كثيرة ومتفرعه ولكن الاجابة عليها يحتاج منا جلسة ومحاسبة لانفسنا.. اين القناعة واين التفائل وليس معناه ان الوحده ترضى باي من يتقدم لها .. وكل هذا من اعمارنا تمضي الايام والسنين ونحن نتأرج ونتخبط بين رأي فلانه وفلانه.. وهنا احب اذكر بان الانسنه راح يرزقها ربي على قدر نيتها واكرر النية النية "مطيه" كما يقولون. وما النانع ان تكوني زوجة اخرى اذا كان المتقدم مناسب وليس عليه مأخذ بالنسبة لك الا انه متزوج ولا ننكر بان هناك زوجات يعشن قمة السعادة وهن مع معدد ليس المتعدد مخلوق غريب بل هو منا وربما يكون اخوك او ابوك او عمك معدد فمعنااااه والخلاصة من كلامي( ترى العمر يمضي) اتمنى تشاركوني بارائكم دمتم بود منتظر باكر |
يسرني ان أتجرا وادخل على الموضوع بكل فخر وبكل شجاعه واكون اول من يجيب عن اسألتك
اول شي حبيت اقوله اني لسى ماوصلت لعمر 30 وحتى لو وصلت ولم يكون لي نصيب في الزواج ماهو عيب ولا هو حرام كم وحده متزوجه عايشين بتعاسه يعني يضلون عند اهاليهم افضل لهم من اي زوج يحطم حياتهم وبعدين ليش البنت ما تتشرط ولا مسموح بس للرجال يتشيرطون ابيها بيضاء وابيها شقرا وابيها جميله ليش عندكم تصريح وحنا لا اني بالنسبه لي لو تقدم احد لي اكيد بتشرط وباخد الي يعجبني والي ما يعجبني مابيه انا واثقه من حالي ومو ناقصني شي بالنسبه للاسئله الي سألتها كم عمرك الان؟؟ 23 كم اللي تقدمو لك ورفضتي؟؟ يمكن 4 او اكثر بعد كم مره حاولتي تعدلين في قائمة المواصفات والشروط اللي تبينها؟؟ ولا مره عدلت ومستحيل اتنازل عن شي ابيه وبراي ما بغير شي كم مره ندمتي على واحد رفضتيه؟؟ ولا مره ندمت وليش اندم كم وحده من صديقاتك تزوجت وخلفت وانتي تنتظرين من يلبي قائمة شروطك؟؟ وايد من صديقاتي تزوجو وخلفو بعد ونصيبي اكيد محفوظ من المتسبب الفعلي في تاخر زواجك؟؟ مافي سبب ولا شي كل واحد ونصيبه هل فعلا تحلمين بزوج تعيشين معه الحب والدفئ والحنان؟ او علشان ما يقولون عانس؟؟ اكيد احلم بزوج اعيش معاه بحب ودفئ بس مو عشان يقولون عانس عشان الي بياخدني يستاهلني لو لاااااااااااااا الف شكرررررررررررررررررررررر |
بنوتة غير اشكر مرورك وردك الجميل ولكن لي توضيح بسيط لو تكرمتي انا ما قلت ما لك حق تتشرطين بالعكس مثل ما انه عليك اشياء في المقابل لك اشياء بعد ولكن العمر له دور ولو عمرك داخل في الثلاثين انا متأكد ما راح يكون هذا ردك ويالينا ما نكابر ونحاول نقراء واقعنا بدون نرجسيه واوهام المطلوب منا السعي للحلول بداء من انفسنا وليس التوقف عند رغباتنا دون ان نتناازل عن جزء منها وعلى نياتكم ترزقوون اكرر شكري ودمتي بود منتظر باكر |
اقتباس:
|
اخوي والله موضوعك حلو ... انا عمري 18 اتقدمولي كثيـــــــــر ووالله ناس ما يتعوضوا لكن باختصار شديد أبوي واهله هم السبب .. يقولون اني مررره صغيره ولازم ع لاقل اخلص نصف مرحلة سنين الجامعه .. لكن انا مني مستعجله ولا متعبه نفسي لاني واثقه انه سبحان الله وقت مايجي النصيب مافي احد راح يوقف بوج ... والله يرزقنا الازواج الصالحين يارب ويرزق الشباب الزوجات الصالحات ...
والله يعطيك الف عافيه |
يعني اللي عمرها اقل من ثلاثين ما تدخل ؟؟؟؟؟؟؟؟ طيب ليش خلونا نستفيد
ويمكن عندنا آراء نقدر نفيد فيها الغير (منتظر باكر ) يسلمووووووو على الموضوع عندي رد للأخت (بنوته غير ) ياختي ترى القناعة كنز لا يفنى وان شاء الله ربي يرزقك بولد الحلال وهذي امور فيها تدخل الأهل بعد عموما كل انسان ما ياخذ الا رزقه الطيبون للطيبات أتمنى تعذروني على التداخل المتطفل أختكمـ الهبــــــــايـب |
ربان المركب لحن مغتربة الهبايب اشكركم على المرور اللطيف ، والاضافة الرائعة تقبلو فائق تقدير وصادق امنياتي بحياة سعيدة دمتم بود منتظر باكر |
الزوار
110 والردود 4 ! ! ! ! ! |
بصراحه موضوع جريء ويحتاج للجرأه للاجابه على التساؤلات الوارده فيه أخوك الان في الثالثه والاربعين من عمره وعايش الكثير من التجارب وعاصر العديد من التجارب المشاب وكم مره خفضت البنت فيها سقف الطلبات وربما أخيرا قبلت بالزواج بمتزوج او عجوز او ربما احد ذوي الاحتياجات الخاصه فقط لتثبت للآخرين ان هنالك من يرغب بها من الرجال وانا هنا الوم الفتاه والمجتمع على حد سواء فنظرة المجتمع تكون ناقصه لمن قبلت الزواج بمن لا يمتلك مواصفات سوبر فتطمح الفتاه ان تكون الافضل في كل شيء حتى في الزوج وانا هنا لا اشير الى الافضل خلقا بل مركزا ومالا وجمالا وعائلة وهي هنا في كل مره تحاول ان تتخلص من كبريائها ولكن ظهور الخاطب فجأه يجعلها تعتقد انها امام عدد لا يحصى من الخطاب وهي ستختار من يعجبها منهم متناسيه ان الفرصه ربما لا تتكرر صدقوني اعرف نساء في اواسط الثلاثينات يتمنين ان يتقدم لهن اي شخص مهما كانت مواصفاته وان الكثير منهن مستعدات للمساهمه في المصاريف سرا اذا اقتضت الحاجه بل وفي نفقات الزواج وفي المهر بطريقه سريه احيانا على كل الاحوال نعود للقول الحق وقول الدين فلنا في نبينا صلى الله عليه وسلم اسوة حسنه حين قال(اذا جائكم من ترضون دينه وخلقه فزوجوه ) فنصيحه للفتيات اذا تقدم لكي صاحب الخلق والدين فلا ترفضيه فالمال والمستقبل والرزق علمه عند الله وما يدريكي لعل الله يبدله من بعد عسر يسرا وكم من فتاة عاشت سعيده مع انسان بسيط وابتسم لهم المستقبل وعاشوا في بيت يملأه الدفء والحب في حين لاقت من اختارت صاحب المال والجاه امر العذاب على يديه وتزوج عليها بماله اولا وثانيا وثالثا وأنا هنا لا أقول ان تقبل الفتاه بمن لا يرضيها خلقه او انه لا يصلح لان يكون صاحب بيت واسره بل ان تتحرى حسن الخلق والاصل والدين وبعدها يكون الاتكال على الله والافضل من هذا كله ان تصلي الاستخاره قبل ان تتخذ قرارها والله يستر على جميع بنات المسلمين
|
العقل يتكلم شرفني مرورك وكلامك الرائع بصراحة الموضوع يحتاج وقفة مع النفس لا اكثر افعمت الموضوع بعطر مفرداتك وجمال عباراتك وموضوعيتك الواضحة دمت بود منتظر باكر |
| الساعة الآن 06:44. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون