منتديات روعة الكون - لكـ ..يـاأغلــــى من روحي ...

http://www.up07.com/up7/uploads/273f16e296.gif

http://www.k000k.com/vb/images/smilies/sparklebow.gif

الشعِـر مـوج ٍ عتـيٍّ والتجـارب مالهـا اعـداد
............والقصايد غبة بحور مااحد يوصل مداهـا
والسفينـة مالـهـا الا قـايـد للبـحـر معـتـاد
.............. قايد وربان بحر خبرته جلجل صداهـا
ذاك ابـوي القـرم شيـخ الطيبيـن ونـد الانــداد
.....هو سبب رحلة نجاحي .. نور دنياي وضياهـا
ذاك ابوي اللي له الطولات تشهـد لـه والامجـاد
..... و الخلايق تقصـده لازاد فـي الدنيـا غثاهـا
عون من جا مستجيـر وفزعـة اللـي جـاه وراد
...ونفسـه لكـل الخلايـق زايــد والله وفـاهـا
ذاك ابوي وعزوتي ..ذخري ولـي عـز ومسنـاد
...ونفسي احسدها عليـه اليـوم يـوم الله عطاهـا
ذاك ابوي اللي بعطفه ضمنـي فـي قـرب وابعـاد
.....ودي احضنـه امتنـان حيثـه لنفسـي هناهـا
ذاك ابوي اللي ترفع عـن تفاهـات وعـن احقـاد
....شامخ جلد صبـور فـي عنـا الدنيـا وبلاهـا
رجـل وكفـو وصيتـه عـم كـل ديـار وبــلاد
....وبالذكاء نفسه تسامـت ياجعـل ربـي يحماهـا
ذاك ابوي اللـي معيشنـي مابيـن افـراح واعيـاد
...واصعب اللحظـات عنـده لاكسـا بنتـه شقاهـا
ذاك ابوي اللـي غمرنـي حـب وعطـف وتـوداد
..لـه يديـن حانيـة ياجعلنـي ماافقـد عطـاهـا
العطـا فـي وسـط كفـه لويشـح الوقـت يـزداد
...ونفسـه اللـي للمعالـي دايـم تسبـق خطاهـا
ذاك ابوي اللي أفاخر بـه مابيـن جمـوع وافـراد
...وماحـد بيلـوم بنـت يـوم تفخـر فـي ذراهـا
اشهـد انـه بالعطـا ضـاري ومفطـور ومعتـاد
....ونفسه الذربة على الطـولات موثـوق عراهـا
العطوف ابـو اليتامـى والضعـوف وكـل وفّـاد
....مايجيه احـد ويرحـل كـود حاجاتـه قضاهـا
الكريم ابن المكـارم والكـرم مـن ورث الاجـداد
....هامتـه لـولا الصـلاة وطاعـة الله ماثنـاهـا
والله انه صادق افعـال وصمـول ووافـي اوعـاد
...والمجالـس والنشامـا تفتخـر بـه يـوم جاهـا
يايبـه اغليـك والله والـغـلا لــك دوم يــزداد
...انت لي موئل وموطن والهوا وارضـي وسماهـا
يايبـه والله احبـك حــب لامـاهـوب معـتـاد
......والحيـا نفسـي منعهـا لاتبيـن لـك غلاهـا
الرذايـل مااعرفهـا والزمـن يـاابـوي جــلاد
.....ومنك أخذت أنا الصفات اللي لي المولى رضاها
والله انـي للتوافـه لويطـول العـمـر ماانـقـاد
.....وهامتـك ماتنتطمـن يانظـر عينـي ومـاهـا
شاعـرة وأكتـب وحولـي مستغيضيـن وحـسـاد
.....وغايتي هي رضاك عني ودعوتك (ربي يحماها)
يايبه بعـض العـواذل لارمونـي بحقـد وش عـاد
....دام انا ذخري وفخـري روح ٍ لروحـي فداهـا
يايبـه تـراي بنتـك وانـت لـي عـون وإمــداد
....لو يطول الوقت روحي باقية لـك فـي وفاهـا
يايبـه شانـي رفعتـه بـالأدب واخلاقـي الـزاد
....وماكتبت اللي ينزل راسك مـن اعلـى علاهـا
يايبه شعري نظمتـه (ديـن) و(توجيـه) و(ارشـاد)
.....والهدف من هالقصايد نصح كـل اللـي قراهـا
ياعسى ربي يسلمنـا مـن انجـاس ومـن اوغـاد
....وابقى طول العمر بنتك وانـت ياغالـي غلاهـا
السهـر لـو رام عينـي وامتلـت ياابويـه سهـاد
......فانت للاوجاع بلسم وانـت لجروحـي دواهـا
والهنـا بدفتـر حياتـي لـه مـع الايـام مـيـلاد
...وداخل الذكرى لك اكبر صفحـة يبـرق سناهـا
يايبـه بـذرك بـذرت وللحصـاد اليـوم ميـعـاد
.....وهذي هي بذرتك واحصد يايبه صافي عطاهـا
لاانكفت عيني عن عيونك ياابـوي وصـارن بعـاد
....تظلم الدنيا بعينـي واحسـب ان المـوت جاهـا
ولاجمعنـي فيـك ربـي كننـي أملـك لـي بـلاد
......واشعر بإن الحيـاة اليـوم فـي قمـة رخاهـا
يايبه لاضقت منـي صابنـي مـن ضيقـك اجهـاد
....ودي املـي بالسعـادة دنيتـك واسقـي حياهـا
اتخـذت الديـن والعلـم بحياتـي نهـج وعـمـاد
....وحالفه ماامشـي دروب ماتسـر اللـي مشاهـا
مـا أبـي أتيـه بالشعـر وأهـيـم بشـعـب وواد
....وارمي بنفسـي علـى الدنيـا واحملهـا غثاهـا
يايبه روحـي بقربـك حققـت لـي حلـم ومـراد
.....واشكر الله جل شانه يومـه اللـي لـي هداهـا
فدوتك ياابوي شعـري وكـل باقـي لغـة الضـاد
...وفدوتك نفسي وروحـي يايبـه واللـي وراهـا
وفدوتك من كان صـدره ممتلـي غيـض واحقـاد
....جعل ربي في عيون اهل الحسد يقـذف عماهـا
وياعساك بخيـر يابـوي وعسـاك بيسـر واسعـاد
.....وابشر ببنت على عهد الشـرف يزهـي نباهـا
القصيده لنوض سدير

http://www.k000k.com/vb/images/smilies/sparklebow.gif

تحياتي .. مشـــاعل ..