أبيات أحبها من صغري ولها ذكريات خاصه عندي
 

تذكرتك وأنا الطير الجريح مفارق الخلان
ونار البعد وفراقك تعل أقصى شراييني
أنا ادريبك سراب ماتطفي لهفة الضميان
تذكرتك عذاب ولو نسيتك منت ناسيني
أبي اعرف في غيابك له شوقي يمتلي دخان
وأحس إني لحالي واقرب أصحابي حواليني
حبيبي رحت عني وانت لاراضي ولا زعلان
ياليتك قلتلي قبل الفراق انك مخليني
رحت وغابت الفرحة وراء ليل من الحرمان
ورجعت بصوتك اللي كان يمك الكون يدعيني
اثر نار الجفا صلفة دخيلك ياعظيم الشان
أنا ماعاد لي شوف على الفرقى يقديني
بعد فرقاك عشت الجرح عمر العاشق الشفقان
على باب العمر لامرلك طاري يبكيني
تعرف انك بقلبي وادري انك لشوفتي ولهان
حبيبي ليه تقتل حبنا مادمت تغليني
تخفي لوعتك عني تصد وتبدي النسيان
وتفضح نظرتك خافي حنينك لو تراعيني
حبيبي تعبت عيوني السهر من عاشق سهران
تعبت وطال بعدك والعمر ماعاد يمديني
غرب ضي الأمل قبل الشروق وسادت الأحزان
دروب العمر تسرق فرحتي والحزن يطويني
أنا مثل الغريق وطاري الذكرى كما الطوفان
تزيد الجرح في قلبي وتبعدني وتدنيني
تعبت ومركبي مل السفر وضاقت به الشطان
ولآلي غير حبك ساحل يمكن يرسيني
مصدن الدمع محصول الفراق ولوعة الهجران
إلا في ذكرتك غرق كفوفي مطر عيني
سحابك يامشاش الملح مايفرح به العطشان
أموت من الظما وإلا شربتك منت مجديني
ينابيعك تفجر من عيوني كنها بركان
توطي عزتي تختال من جفني لكفيني
بعد ماغرق عمري في الحزن ضاقت بي البلدان
وشفت الموت في ظل الدروب وقلت أنا ويني
أنا مليت ... مليت العذاب وقلبي المليان
بهم صاب من هجر الحبايب مقتل سنيني
يأست من الفرح في موسم فيه الأمل كسلان
رفعت الراية البيضا لحزني وارتمى فيني
وعرفت إني بعد فوت الأوان العاشق الخسران
ودريت إن اصدق وعود الهوى ماعاد ترويني
رجعت بحسرتي على جروح مكسر الجنحان
وسال الجرح دم وشفت وجهك في شراييني

يسلمووووووووووووو

قصيدة قمة في الروعة يعطيك العافية

تقبلي مروري

ابيات قمه في الروعه

صح نقلك ولاهنتي عالنقل


دمتي بحب

حلو كتير .
شكرا على المعلومات المهمة.

شكرا لكم كلكم على مروركم
أتمنى إنها أعجبتكم الأبيات زي ماعجبتني أنا
أعذروني على التقصير
مع حبي

شكرا لكم كلكم على المرور
أتمنى إن الأبيات عجبتكم زي ماعجبتني أنا كمان
مع حبي

شكرا قيصر روما على مرورك
وسعيده جدا لأنه الأبيات نالت إعجابك
لاتحرمنا من طلتك في المرات الجايه
مع حبي