الحال تنشد عن اية حال
............................ما ظنتي حالي إيسرك
تنشد وكني انا ما زال
............................ اعشق بحر عينك وبرك
ما طاح من غيبتك رجال
............................ لا زلت اذكرك وآقرك
تبي مشاريه والا جدال
.............................. ان سر والا فلا ضرك
ابسألك بس لا تهتال
............................ قبل انسف البعد و يشّرك
اقفيت لكّن دمعك سال
.............................. امانتك ليه وش حرّك
هو حّرك القلب ساعة طال
.............................. غصن المواعيد واجترك
او حّرك إشعور..؟ طيب ..عال
............................ بك شي ينبض ويتحرك
لا تقول وش هو ومنهو قال
.......................... شفتك بعيني وانا آمرك
اكبر دليل ٍ وعودك مال
............................ وطيت ثلجك على حرك
لفيت جسمك وطاح الشال
........................... يوم انثنى الليل ثم زرك
شربت من غيبتك فنجال
........................... بعدك .. وفرقاك ..مع مرك
ما عاد تسوى بعيني ريال
............................ غطت عيوبك على درك
لا تدق ما فيه اي ارسال
............................ لا تقول يارقم بآآآكرك
حذفت رقمك من الجوال
............................. خلصت من خيرك وشرك.

.
.