منتديات روعة الكون

اقدم لكم اول موضوع لي وهي قصيده للشاعر مساعد الرشيدي في مدح قبيلته وهي من افضل قصائده

بني عبس

وهي قصيدة لـ شاعر الكبير مساعد ربيع الخياري الرشيدي

وهي اجمل ما كتب بالرشايدة من القصيد النبطي

أدخل على الله وأسلم الأمر تسليم= أستغفره وأستذكره وأستميحه

وضح النوايا والمساري مجاهيم = والحلم غالي والليالي شحيحه

سادت مفاهيم وبادت مفاهيم = ويح الزمن يابنت الأجواد ويحه

خلي علوم ممسسين المرازيم= واخذي علوم مصمصمين القريحه

حنا طنايا عبس يامذير الريم= حنا مقابيس الوغــى يــامليحــه

حنا سلايل قاسم الخيل ودليم= فزعاتنا يوم المكايد رجيحه

بدو حفايا ما انصفتنا المقاسيم= وبصدورنا عزٍ تطارخ فحيحه

نرعى رفيف البرق في ساقة الغيم=ومن يستبيح حدودنا ما نبيحه

وليا ترع في هرجته دفش وبهيم= خطو الهبود الي تكابر فطيحه

عن ساقط الهرجه نطق الملاطيم=ومن طاح فيها مارحمنا مطيحه

نكبر عن الطفسه ونجزع من الضيم= ونموت ما ناطا شليل الفضيحه

نزوم زومات الرجال المحاشيم= ونهد هدات النمور الجريحه

ربع على در المنايا مفاطيم= ومن هازنا زاغت عجوزه تصيحه

أليا تغشلينا عسير الشغاميم= لومك على الي ما يبرهن مديحه

وان لولشن محشمات الملاثيم=والموت حثرب بالحناجر ضبيحه

جينا من اقصانا سحاب مراديم= كل يذكي حروته عن نطيحه

يازين دح قفوشنا له ترانيم = والعج واقف والفعايل صريحه

كان المنايا سوقها مابعد سيم= والخوف برك بالقلوب الكسيحه

حــنا زباينها علي الملازيم= عـلــم يقريه النصيح لنصيحه

واللي بنا بيته نبيه ابراهيم= إنا طريق المستميت لضريحه

بني رشيد إن عتم الجو تعتيم= ماللردى فينا ملامح وليحه

خوينا نقريه عزه وتحشيم=دخيلنا دونه عن الموت صيحه

يابنت ماحنا فقارى معاديم= ولوماسكنا بالقصور الفسيحه

تجار لو ما حاشت يدينا ملاليم=من الغناه نفوسنا مستريحه

مانستضيق اليا لفونا معازيم= للضيف لو نذبح حدينا ذبيحه

دايم يدينا للعطايا مواليم= لاخانت الفزعه وجيه كحيله

طال القريض ومقبل الودومقيم= والبال عيا طارحه لايزيحه

أقولها وأبصم على القول تبصيم= والعلم بين زايفه من صحيحه

ماهو قصور بالحرار الصماصيم= كل بدرب العز قدهب ريحه

مدحي لربعي مايذم الأكاريم= ولايستشك الا خبيث الشريحه

الحق واضح للرجال المفاهيم=والحقد يخرث بالنفوس القبيحه

والشر من جيت معزي وهو نيم= واليوم وحده والشريعه سميحه

وســـلامتكم